კუნდე და ფლიკი მონაკოსთან მატჩის წინ

ფლიკის ძალიან კარგად გვესმის, ზუსტად ვიცით, რას ელის ჩვენგან. ჰანსი ჩვენთან ძალიან ახლოსაა. 

ტურნირის დაწყებისას ჩვენი მიზანი ჩემპიონობაა. ვიცით, რომ ეს რთულია, რადგან ფორმატი შეიცვალა, უფრო მეტი თამაში გვიწევს, თუმცა ჩვენი ამოცანა ბრძოლა უნდა იყოს. გასულ სეზონში მეოთხედფინალში გავედით, წელს კი მეტი გვსურს.

მატჩების რაოდენობასთან დაკავშირებით როდრის ყველაფერში ვეთანხმები. კალენდარი ყოველ სეზონში იზრდება და დასვენებისთვის ცოტა დრო გვრჩება. ფეხბურთელებს, მთავარ მოქმედ პირებს, ყურადღებას არავინ აქცევს. ერთადერთი გამოსავალი გაფიცვაა. ტრავმების რიცხვი მატულობს, რადგან უფრო მეტ ტურნირსა თუ შეხვედრაში ვმონაწილეობთ. მაგალითად, მსოფლიოს საკლუბო ჩემპიონატის ახალი ფორმატით სეზონში მატჩების რაოდენობა შესაძლოა 70-მდე ავიდეს.

ჩემპიონთა ლიგის ახალ ფორმატს დადებითი მხარეებიც აქვს და უარყოფითიც, იდეალური არაფერია. სჯობს, თავად გამოსცადო, რომ აზრი გამოთქვა. ახალი ფორმატი უფრო კონკურენტუნარიანია, მეტ გუნდს ეთამაშები, მაგრამ არ ვიცი, ეს უარესია თუ უკეთესი. 

მარჯვენა მცველის პოზიცია ჩემთვის ბუნებრივი არაა, რადგან ცენტრალური მცველი ვარ, მაგრამ გამოწვევები მიყვარს. ჩემთვის მთავარია, მოედანზე მაქსიმალური გავაკეთო.

“მონაკოსთან” “გამპერის თასზე” დაშვებული შეცდომები უნდა გამოვასწოროთ. ჩვენ კარგ ფორმაში ვართ, ისევე როგორც ისინი. რთული მატჩი გველის.

გაფიცვას ორგანიზება სჭირდება. ფეხბურთელთა რამდენიმე კავშირი არსებობს, მაგრამ ჩვენ ერთიანი ხმა გვჭირდება, რომელიც ბევრ ფეხბურთელს წარმოადგენს. ამაზე უნდა ვისაუბროთ და დავაორგანიზოთ.

ჩვენ კარგად ვთამაშობთ და ასევე გვსურს გაგრძელება. გუნდის ხარისხი და მონდომება საოცარია, ახალგაზრდებიც შესანიშნავად გამოიყურებიან.

ოლმოს დონის ფეხბურთლის შეცვლა ყოველთვის რთულია, მაგრამ არსებული სიტუაცია უნდა მივიღოთ და მოვიფიქროთ, ვინ დაიკავებს მის ადგილს შემადგენლობაში.

როცა ტონი ფერნანდესმა ჩვენთან პირველად ივარჯიშა, ჯერ კიდვ 15 წლის იყო. მას ბრწყინვალე საფეხბურთო ცოდნა აქვს. ლა მასიით გაოცებული ვარ. 

ფერმინის გამო თავს დამნაშავედ ვგრძნობ. შესაძლოა, უნდა დაგვეჟინებინა, რომ ესპანეთის 21-წლამდელთა ნაკრებში არ გამოეძახებინათ. 

ანსუ თამაშისთვის მზადაა. მისი ფავორიტი პოზიცია ვიცი, მაგრამ ახლა არ ვიტყვი. ხვალ ნახავთ, სად ითამაშებს ის. 

ვფიქრობ, ჩემპიონთა ლიგის მოგება შეგვიძლია. “ბარსას” მსგავს დიდ კლუბებს ყოველთვის ტიტულების მოგება სურთ და ჩემპიონთა ლიგა მსოფლიოში საუკეთესო ტურნირია. ჩვენ მაღალ დონეზე ვთამაშობთ და საუკეთესოების წინააღმდეგ თამაშისთვის მზად უნდა ვიყოთ.