ბარსელონამ სოსიედადთან იმარჯვა | ფეხბურთელთა შეფასებები

ლა ლიგის 35-ე ტურში “ბარსელონა” “რეალ სოსიედადს” დაუპირისპირდა და ანგარიშით 2:0 იმარჯვა.

“ბლაუგრანას” რიგებში ერთ-ერთი გამორჩეული ფიგურა ახალგაზრდა ფეხბურთელი, ლამინ იამალი გახლდათ, რომელმაც მე-40 წუთზე გოლის გატანაც მოახერხა და ლა ლიგის ისტორიაში პირველი მოთამაშე გახდა, რომელმაც ესპანეთის ჩემპიონატში 16 წლის ასაკში 5 გოლის გატანა შეძლო.

ესპანური გრანდის გულშემატკივრებისთვის განსაკუთრებით სასიამოვნო პედრის სტაბილური პირველი ტაიმი იყო, რომელიც ტრავმის შემდეგ, ნელნელა ფორმაში შედის და ძველ კონდიციებს უბრუნდება.

90 წუთის ამოწურვის შემდეგ, ფეხბურთელები SofaScore-მა ჩატარებული მატჩის მიხედვით შეაფასა – ყველაზე მაღალი ქულათა რეიტინგი რაფინიამ დაიმსახურა (8.1), რომელმაც ყველაფერთან ერთად პენალტი ზუსტად შეასრულა და შეხვედრის საბოლოო ანგარიში დააფიქსირა. 

ამ მოგებით “ბარსელონა” 76 ქულას აგროვებს და ლა ლიგის სატურნირო ცხრილზე მე-2 ადგილს იკავებს. ჩავის შეგირდები მომდევნო შეხვედრას 16 მაისს, ალმერიას წინააღმდეგ გამართავენ.

ტერ-შტეგენი – 7.7
ჟოაუ კანსელუ – 7.2
ინიგო მარტინესი 7.1 
პაუ კუბარსი – 7.2
ჟულს კუნდე – 7.7
პედრი – 7.4
კრისტენსენი –  6.7
გიუნდოგანი –  7.3
რაფინია – 8.1
ლევანდოვსკი –  7.0
იამალი 7.6

შეცვლაზე შემოსულები:
სერჟი რობერტო – 6.7
ფერმინ ლოპესი 6.4
ფერან ტორესი – 6.7