ბარსელონა რონალდინიოს შვილით კმაყოფილია

Mundo Deportivo-ს ინფორმაციით, ლეგენდარული რონალდინიო გაუჩოს შვილი, ჟოაუ მენდეს დე ასის მორეირა ჟუვენილ ა-ში (19-წლამდელთა გუნდი) თანდათან თავს იმკვიდრებს. 

18 წლის ბრაზილიელმა “ბარსელონას” ახალგაზრდული გუნდის შემადგენლობაში 5 მატჩში მოედანზე 238 წუთი გაატარა და მიუხედავად იმისა, რომ გოლი არ გაუტანია, კლუბი მისი მონდომებით, ძალისხმევითა და თავმდაბლობით ძალიან კმაყოფილია.

რონალდინიოს შვილს თამაში თავდამსხმელად და ნახევარმცველად შეუძლია.

ჟოაუ მენდესს “ფლამენგოს”, “ვასკო და გამას”, “ბოავისტასა” და “კრუზეიროს” აკადემიებში უთამაშია. 2022 წლის თებერვალში, 4-წლიანი პერიოდის შემდეგ, მან “კრუზეირო” დატოვა და თითქმის 1 წელი უგუნდოდ იყო, “ბარსას” კი 2023 წლის იანვარში შემოუერთდა. რონალდინიოს შვილმა “ბარსელონასთან” კონტრაქტი ოფიციალურად გასული წლის 2 მარტს გააფორმა.