ბარსელონა მალკომის თაობაზე ზენიტს უჩივის

Sport-ის ინფორმაციით, “ბარსელონამ” სანქტ-პეტერბურგის “ზენიტს” უჩივლა და 490 000 ევროს ითხოვს.

წყაროს ცნობით, “ბარსა” რუსული კლუბისგან ელის ბონუსს, რომელიც არ გადახდილა. საქმე მალკომის ტრანსფერს ეხება, რომელიც კატალონიური გრანდიდან რუსეთში 2019 წელს, €41.5 მილიონად გადაბარგდა. “ბლაუგრანამ” სარჩელი სპორტის საარბიტრაჟო სასამართლოში შეიტანა და სხდომა 22 მარტს გაიმართება. 

შეთანხმების თანახმად, “ზენიტს” აღნიშნული ბონუსი უნდა გადაეხადა ყოველ ჯერზე, როცა ჩემპიონთა ლიგაზე გავიდოდა და მალკომი მონაწილეობას შიდა ჩემპიონატის მატჩების მინიმუმ 50%-ში მიიღებდა. რუსული კლუბი გასულ სეზონში ჩემპიონთა ლიგიდან მოკვეთეს, მაგრამ 2021/22 წლების სეზონში მათ ჯგუფურ ეტაპზე €41 მილიონი გამოიმუშავეს.

“ბარსელონამ” ბრაზილიელი შემტევი 2018 წელს, “ბორდოდან”, €41 მილიონად შეიძინა, მაგრამ იმის გამო, რომ ის ერნესტო ვალვერდეს გეგმებში არ შედიოდა, “ზენიტს” მიჰყიდა. მალკომი ამჟამად “ალ ჰილალში” ასპარეზობს.