ლამინ იამალი ჩეხეთთან მატჩს ტრავმის გამო გამოტოვებს

“ბარსელონას” 19 წლის შემტევი ლამინ იამალი მარჯვენა მუხლის პრობლემის გამო ესპანეთის ნაკრების უახლოეს შეხვედრას გამოტოვებს.

Mundo Deportivo-ს ინფორმაციით, იამალმა დისკომფორტი 8 ნოემბერს, “ატლეტიკოსთან” გამართული მატჩის შემდეგ იგრძნო. ფეხბურთელმა მარჯვენა მუხლში დარტყმა მიიღო და სამედიცინო შემოწმება გაიარა, რის შემდეგაც გადაწყდა, რომ ის დროებით ბარსელონაში დარჩება და გამოჯანმრთელების პროცესს იქ გააგრძელებს.

კატალონიურ კლუბში ფეხბურთელის მდგომარეობასთან დაკავშირებით სიმშვიდეს ინარჩუნებენ. გადაწყვეტილება “ბარსელონასა” და ესპანეთის ფეხბურთის ფედერაციის შეთანხმებით მიიღეს, ორივე მხარის სამედიცინო პერსონალი კი მუდმივ კონტაქტზეა.

იამალი ესპანეთის ნაკრებს 12 ნოემბერს, ჩეხეთის წინააღმდეგ გასამართ შეხვედრაში ვერ დაეხმარება. მატჩი პრაღაში, თბილისის დროით 23:45 საათზე დაიწყება.

გეგმის მიხედვით, იამალი ნაკრებს 13 ნოემბერს შეუერთდება, რათა ინგლისთან შეხვედრისთვის მოემზადოს. თუმცა, მისი დაბრუნების ზუსტი თარიღი მუხლის მდგომარეობის გაუმჯობესებაზე იქნება დამოკიდებული.

ესპანეთისა და ინგლისის დაპირისპირება 15 ნოემბერს, მადრიდში, “მეტროპოლიტანოზე” გაიმართება და თბილისის დროით 23:45 საათზე დაიწყება.