რამდენიმე კვირის წინ, ცუდი შედეგების გამო გერმანიის ფეხბურთის ფედერაციამ ეროვნული ნაკრების მთავარი მწვრთნელის პოსტიდან ჰანს-დიტერ ფლიკი გაათავისუფლა და იულიან ნაგელსმანი დანიშნა.
Sport-ის ინფორმაციით, ეს, შესაძლოა, მარკ-ანდრე ტერ შტეგენისთვის კარგი ამბავი იყოს, რადგან ახალ დამრიგებელს “ბარსელონას” მეკარე საკმაოდ მოსწონს. გარდა ამისა, მას შემდეგ, რაც ნაგელსმანმა “ბაიერნიდან” ტონი ტაპალვიჩი (მანუელ ნოიერის მეგობარი) გაუშვა, ახალგაზრდა მწვრთნელს ნოიერთან დაძაბული ურთიერთობა აქვს.
ნოიერთან არცთუ კარგ ურთიერთობას ტერ შტეგენის ფორმაც ემატება – ნაგელსმანი ხედავს, რომ გერმანელი მეკარე ბოლო პერიოდში “ბარსელონაში” შესანიშნავად გამოიყურება. გასულ სეზონში მარკი ევროპაში ერთ-ერთი საუკეთესო მეკარე იყო და “ბარსას” ჩემპიონობაში დაეხმარა. შიდა ჩემპიონატში კლუბი მიმდინარე სეზონშიც კარგად გამოიყურება.
შესაბამისად, დიდი შანსია, რომ ამერიკის შეერთებული შტატებისა და მექსიკის წინააღმდეგ ოქტომბერში გასამართ მატჩებში გერმანიის ნაკრების კარში ტერ შტეგენი იდგება.
ნოიერი ჯერ ვერ შედის ფორმაში და აბა მეკარის გარეშე ხო არ დარჩებიან გერმანელები, უკეთესი ყავთ ვინმე?
დიდი ხნის წინ უნდა ჩანაცვლებულიყო ნოიერი ტერ შტეგენით,კარგა ხანია დროა უკვე.დიდი ხანია იმსახურებს.
მოიცა ეგ კიდე განსახილველი თემაა? წავიდა უკვე ნოიერის დრო ტრავმის შემდეგ ხო საერთოდ