მარჯვენა მცველის პოზიციაზე დეკუს პრიორიტეტი ივან ფრესნედაა

The Athletic-ის ინფორმაციით, მარჯვენა მცველის პოზიციაზე დეკუს პრიორიტეტი ივან ფრესნედაა, რომლის ღირებულებაც €18 მილიონს (ბონუსების ჩათვლით) შეადგენს.

მიუხედავად ამისა, სამწვრთნელო შტაბი დარწმუნებული არაა, რომ თინეიჯერი ფეხბურთელი გუნდს უმალვე გააძლიერებს. ჩავი ფრესნედაზე წინ ჟოაუ კანსელუსა და ხუან ფოიტს აყენებს, თუმცა ამ უკანასკნელის შეძენა “ვილიარეალის” მოთხოვნის (€42-მილიონიანი გამოსასყიდის გადახდა) გამო ძალიან რთულია. 

Sport-ის ცნობით, “ბარსას” კანსელუს ტრანსფერის დახურვა ამ კვირაში სურს. ჟორჟე მენდეში “მანჩესტერ სიტის” კატალონიელთა შეთავაზებას წარუდგენს. პრობლემა ისაა, რომ ინგლისური კლუბი მის გაყიდვას გეგმავს და არა განათხოვრებას. ერთ-ერთი არაბული გუნდი მზადაა, ჟოაუს სანაცვლოდ თანხა გადაიხადოს.

Relevo-ს თანახმად, დეკუმ ფრესნედას გარემოცვას დრო სთხოვა, რათა კლუბმა საჭირო ფორმულა შეიმუშავოს. “ბარსამ” “ვალიადოლიდს” €8+€10 მილიონი შესთავაზა, მაგრამ უარი მიიღო.

ფრესნედათი 2 ინგლისური კლუბიც ინტერესდება და მის დარწმუნებას ცდილობს. გარდა ამისა, ლისაბონის “სპორტინგი” და “პორტუ” “ვალიადოლიდთან” მოლაპარაკებებს აწარმოებენ. 

იმ შემთხვევაში, თუ “ბარსელონას” კანსელუს იჯარით აყვანა არ გამოუვა, ფრესნედა პრიორიტეტული სამიზნე გახდება. თუმცა, მისი შეძენა არც პორტუგალიელის მოსვლის შემთხვევაში გამოირიცხება.