ლაპორტა თავის გარემოცვას: მომავალ ზაფხულში ჰოლანდს შევიძენ!
მომავალი ზაფხულის სატრანსფერო ფანჯარაზე "ბარსელონას" მთავარი სატრანსფერო სამიზნე ერლინგ ჰოლანდი იქნება, რომელზეც კიდევ არაერთი კლუბი ნადირობს.
"ბარსაში" არსებული ეკონომიკური მდგომარეობისა და ვალების ფონზე, ნორვეგიელი ტალანტის შეძენა წარმოუდგენლად ჩანს, თუმცა, ორიოლ დომენეკის ინფორმაციით, პრეზიდენტი ჟოან ლაპორტა თავის გარემოცვასა და ნდობით აღჭურვილ პირებს არწმუნებს, რომ მომავალ ზაფხულში ჰოლანდს გაიფორმებს.
ადრე გავრცელებული ცნობების თანახმად, ლაპორტას მიზნები პრესისთვის ამ დრომდე უცნობია, მაგრამ იგი კლუბის წევრებს ხშირად ეუბნება, რომ ერლინგის გადასაბირებლად ყველაფერს გააკეთებს და ამაში ეჭვი არ ეპარება.
21 წლის თავდამსხმელს დორტმუნდის "ბორუსიასთან" კონტრაქტი 2024 წლამდე აკავშირებს. მიმდინარე წლის 30 ივნისიდან მისი ყიდვა 75-80 მილიონ ევროდ იქნება შესაძლებელი.
ამ სიახლეზე კომენტარები გათიშულია.
კომენტარები [ 6 ]