გიუნდოგანისა და ლევანდოვსკის გადაკვეთა

ილქაი გიუნდოგანს “ბარსელონაში” ძველი ნაცნობი დახვდება, რომელთანაც იურგენ კლოპის “დორტმუნდში” დიდებული კავშირი ჰქონდა.

გიუნდოგანმა და ლევანდოვსკიმ “ბორუსიაში” ერთად 2011/12 წლების სეზონიდან 2013/14 წლების სეზონამდე ითამაშეს. პირველ სეზონში მათ ბუნდესლიგა მოიგეს, რაც “ბაიერნის” ჰეგემონიის დაწყებამდე “დორტმუნდის” ბოლო ჩემპიონობა იყო.

მომდევნო სეზონში გიუნდოგანმა და ლევანდოვსკიმ სუპერთასი დაისაკუთრეს და ჩემპიონთა ლიგის ფინალში გავიდნენ – “უემბლიზე” ილქაიმ გაიტანა, მაგრამ “დორტმუნდი” “ბაიერნთან” 1-2 დამარცხდა.

ლევანდოვსკის “დორტმუნდის” მაისურით ერთ-ერთი ყველაზე დასამახსოვრებელი მომენტი “რეალ მადრიდის” წინააღმდეგ ჰქონდა, როდესაც პოკერი შეასრულა. რობერტის აღნიშვნა, რომელშიც 4 თითს იყენებს, ლეგენდად შემორჩა.

2014 წლის ზაფხულში ლევანდოვსკი “ბაიერნში” გადავიდა, გიუნდოგანი კი 2 წლით “დორტმუნდში” დარჩა, ხოლო 2016 წელს “მანჩესტერ სიტის” შეუერთდა. ახლა მათი გზები “ბარსელონაში” კვლავ გადაიკვეთება.

გიუნდოგანის ტრანსფერი ყველაზე მეტად ჩავი ერნანდესის დამსახურებაა – ის დიდი ხანი ცდილობდა, გერმანელი დაერწმუნებინა და მას ხშირად ესაუბრებოდა, საბოლოოდ კი მიზანს მიაღწია. ჩავიმ ილქაი დაარწმუნა, რომ კლუბის პროექტში მნიშვნელოვანი როლი ექნება და ლურჯ-ბროწეულისფერი მაისურის ტარებით სიამოვნებას მიიღებს.

“ბარსას” ქომაგებს გიუნდოგანისა და ლევანდოვსკის შეთამაშების უკვე კატალონიურ გრანდში ხილვა ძალიან დააინტერესებთ, ამ ყველაფერში ჩავის ჩარევით კი მომავალი საკმაოდ ნათლად გამოიყურება.