ლა ლიგის კვირის სიმბოლურ გუნდში მხოლოდ ერთი ბარსელონელი მოხვდა

ცნობილმა საფეხბურთო პორტალმა WhoScored-მა ესპანეთის ჩემპიონატის მე-19 ტურის გათამაშების სიმბოლური გუნდი შეადგინა.

ლა ლიგის გასული გათამაშების სიმბოლურ ნაკრებში "ბარსელონას" მხოლოდ ერთი ფეხბურთელი მოხვდა. ეს 34 წლის ცენტრალური მცველი ჟერარ პიკეა, რომელმაც "მალიორკას" წინააღმდეგ შესანიშნავად ითამაშა და მატჩში მონაწილეთაგან ყველაზე მაღალი შეფასება დაიმსახურა.

პრიმერა დივიზიონის კვირის სიმბოლური გუნდი ასე გამოიყურება:

ბადია (ელჩე), დე მარკოსი (ბილბაო), პიკე (ბარსელონა), პაუ ტორესი (ვილიარეალი), გალანი (სელტა), ტრიგეროსი (ვილიარეალი), კონდოგბია (ატლეტიკო), ჩუკვუეზე (ვილიარეალი), ლემარი (ატლეტიკო), მორენო (ვილიარეალი), სანკეტი (ბილბაო).