ბარსელონა მოახლოებულ ახალგაზრდულ ტურნირებზე რამდენიმე ტალანტს დააკვირდება

“ბარსელონა” 20-წლამდელთა მსოფლიო ჩემპიონატსა და 17-წლამდელთა ევროპის ჩემპიონატზე სკაუტებს გააგზავნის.

Mundo Deportivo-ს ინფორმაციით, გარდა საკუთარი ახალგაზრდების პროგრესის შეფასებისა, სკაუტების მიზანი მსოფლიოს მასშტაბით მთავარ ტალანტებზე დაკვირვება იქნება. 

წყაროს ცნობით, “ბარსელონას” რადარზე მოჰამედ ალი-შო (საფრანგეთი, “რეალ სოსიედადი”), კერნი ჩუკვემეკა (ინგლისი, “ჩელსი”), სიმონე პაფუნდი (იტალია, “უდინეზე”), პაპე დიოპი (სენეგალი, “ზულტე ვარეგემი”) და ოსკარ გლუხი (ისრაელი, “ზალცბურგი”) არიან.

20-წლამდელთა მუნდიალი სტარტს 20 მაისს აიღებს, 17-წლამდელთა ევრო კი – 17 მაისს. მსოფლიო ჩემპიონატი არგენტინაში გაიმართება, ევროპის ჩემპიონატს კი უნგრეთი უმასპინძლებს.