“ბარსელონას” ოფიციალური ინფორმაციით, კატალონიური კლუბი იაპონიაში “ვისელ კობეს” წინააღმდეგ ამხანაგურ შეხვედრას გამართავს.
მატჩი ლა ლიგის დასრულების შემდეგ 6 ივნისს ტოკიოში იაპონიის ეროვნულ სტადიონზე ჩატარდება. ეს არენა 80 000 გულშემატკივარს იტევს.
“ვისელ კობეში” “ბარსას” ლეგენდარული ნახევარმცველი ანდრეს ინიესტა და ყოფილი ფეხბურთელი სერჟი სამპერი თამაშობენ.
“ბარსელონა” იაპონურ კლუბს 2019 წელს “რაკუტენის თასზეც” დაუპირისპირდა და 2-0 დაამარცხა. ეს იყო პირველი მატჩი, რომელიც ინიესტამ კატალონიური გუნდის წინააღმდეგ ჩაატარა.
დამატებითი შემოსავლის მიღების მიზნით “ბარსამ” გასული სეზონიც ამხანაგური მატჩით დაასრულა – გუნდი შარშან ავსტრალიის ჩემპიონატის საუკეთესო ფეხბურთელებისგან შემდგარ გუნდს დაუპირისპირდა და 3-2 დაამარცა.
უკვე გამოაცხად რო ბარსელონასთან თამაში ბოლო იქნება იაპონურ კლუბთან, რაც შეეხება ფეხბურთიდან წასვლას ის ამას ჯერ არ აპირებს და მოგვიანებით იტყვის სად წავა. არც არაბეთში წასვლაა გამორიცხული.
მინიმუმ ორი წელი არ აპირებს კარიერის დამთავრებას
ისე ინიმ რო დაამთავროს კარიერა კაკრაზ მაგ თამაშით არ იქნება ურიგო, დროა უკვე ძმაკაცს დაუდგეს გვერდით თავის კლუბში.