ლეო მესის ბარსელონაში დაბრუნების 60%-იანი შანსი არსებობს

ჟერარ რომეროს ცნობით, ამ მომენტისთვის, ლეო მესის “ბარსელონაში” დაბრუნების 60%-იანი შანსი არსებობს.

რომერო “ბარსასთან” დაკავშირებულ ინფორმაციებში სანდო ჟურნალისტია. პირველი სწორედ ის იყო, ვინც თქვა, რომ არგენტინელსა და “პარი სენ-ჟერმენს” შორის კონტრაქტის გახანგრძლივების თაობაზე მოლაპარაკებები პოზიტიურად არ მიმდინარეობდა.

აღსანიშნავია, რომ გუშინ ბარსელონაში ლეოს მამა – ხორხე მესი და ძმა – როდრიგო მესი ჩავიდნენ. ვიზიტის მიზეზი უცნობია, რადგან მათ კომენტარის გაკეთებაზე უარი განაცხადეს.

ჩანს, რომ მესის პარიზში დარჩენის პერსპექტივა დიდად არ ხიბლავს, მაგრამ, თავის მხრივ, “ბარსელონას” საქმეს ფინანსური მდგომარეობა ურთულებს.