ბარსელონა ზაფხულში უესლის მიუბრუნდება

Sport-ის ინფორმაციით, “ბარსა ატლეტიკი” მომავალ სეზონში უესლი ფრანსას მიუბრუნდება – მარჯვენა მცველებს შორის ის კლუბის პრიორიტეტია.

FIFA-მ ხულიან არაუხოს ტრანსფერი უარყო, რის გამოც კლუბს მარჯვენა მცველის პრობლემა ჯერ არ მოუგვარებია. თუმცა “ბარსელონა” მასა და უესლის შორის უპირატესობას ამ უკანასკნელს ანიჭებს, და მექსიკელის შეძენა სწორედ იმიტომ სურდა, რომ ფრანსას დამატებას ვერ ახერხებდა.

კატალონიურ კლუბში ფიქრობენ, რომ უესლის პირველ გუნდში მალე დაწინაურების პერსპექტივა ექნება და ფეხბურთელის თაობაზე “ფლამენგოსთან” მოლაპარაკებების განახლებას გეგმავს.

ზამთრის სატრანსფერო ფანჯრის ბოლო დღეს ბრაზილიელი “ბარსაში” იჯარით გადმოსვლასთან ახლოს იყო, მაგრამ შეთანხმება ვერ შედგა. წყაროს ცნობით, “ფლამენგომ” იჯარის სანაცვლოდ €1.5 მილიონი მოითხოვა და ასევე სურდა, კონტრაქტში €15-მილიონიანი სავალდებულო გამოსყიდვის პუნქტი შეეტანა – “ბლაუგრანამ” სარეზერვო გუნდის მოთამაშისთვის ამხელა თანხის გაღებაზე უარი განაცხადა.