ვის უძღვნის ფრანკ კესიე გოლებს?

გუშინ ფრანკ კესიემ “პლზენთან” 5-1 მოგებულ შეხვედრაში ანგარიში გახსნა და “ბარსელონას” მაისურით სადებიუტო გოლი გაიტანა.

კოტ-დ’ივუარელი გოლებს გარდაცვლილ მამას უძღვნის, რომელიც ასევე ფეხბურთელი იყო და სამშობლოში თამაშობდა, შემდეგ კი, ქვეყნის დასაცავად, არმიას შეუერთდა და, სამწუხაროდ, დაავადებასთან ბრძოლაში დამარცხდა, როდესაც ფრანკი 11 წლის იყო.

დიდი ალბათობით, კესიეს მიერ გაკეთებული ჟესტი სწორედ იმაზე მიუთითებს, რომ მამამისი ჯარში მსახურობდა.

თავად ფეხბურთელი ადაპტაციის პროცესს კარგად გადის. Sport-ის ცნობით, ის გასახდელ ოთახში თავს შესანიშნავად გრძნობს და როგორც კლუბი, ისე ქალაქი მოსწონს. ფრანკს პროგრესის გაგრძელება და გუნდის დახმარება სურს. მან ესპანურის სწავლაც დაიწყო. კოტ-დ’ივუარელი ჩავის ძალიან აფასებს.