ჩელსი ასპილიკუეტასა და ალონსოს გაყიდვას არ აპირებს

Relevo-ს ინფორმაციით, “ჩელსის” მფლობელი, ტოდ ბოელი სესარ ასპილიკუეტას “ბარსელონაში” ტრანსფერს ხელს უშლის.

წყაროს ცნობით, “ლურჯებს” ესპანელი მცველის შემცვლელი ჯერ კიდევ არ უპოვიათ და მასში €10 მილიონს ითხოვენ.

კატალონიის რადიოს მტკიცებით კი, ინგლისურ კლუბს არც ასპილიკუეტას გაყიდვა სურს და არც მარკოს ალონსოსი, შესაბამისად, “ბარსაში” მათ გამოშვებაზე უარს აცხადებს.

მარცხენა მცველებს შორის “ბარსელონას” კაიო ენრიკეს (“მონაკო”), სერხიო რეგილონსა (“ტოტენჰემი”) და ხოსე გაიასაც (“ვალენსია”) უკავშირებენ, მარჯვენა ფლანგის გასაძლიერებლად კი, ასპილიკუეტას ვერშეძენის შემთხვევაში, ალბათ, კლუბი არავის მოიყვანს, რადგან ჩავის ამ პოზიციაზე დესტი ჰყავს და, საჭიროების შემთხვევაში, მარჯვენა მცველად თამაში სერჟი რობერტოს, არაუხოსა და კუნდესაც შეუძლიათ.