ბარსელონამ ჩელსის ჟიულ კუნდეს სამედიცინო შემოწმება ჩაუშალა

მიუხედავად იმისა, რომ “სევილია” და “ჩელსი” უკვე შეთანხმდნენ, “ბარსელონა” ჟიულ კუნდეს დათმობას არ აპირებს.

ჟერარ რომეროს ინფორმაციით, გუშინ “ჩელსი” ფეხბურთელს სამედიცინო შემოწმების გასავლელად ლონდონში ელოდა და ფაბრიციო რომანომაც დაადასტურა, რომ ის პრესეზონისთვის “სევილიამ” განაცხადს მიღმა დატოვა, მაგრამ, საბოლოოდ, “ბარსას” მოთხოვნით, კუნდე პორტუგალიაში ანდალუსიურ კლუბს შეუერთდა.

ამ ფაქტით ჟიულმა კიდევ ერთხელ დაამტკიცა, რომ მისი პრიორიტეტი “ბარსელონაა”, რამაც “ჩელსი” ძალიან გააბრაზა. ფრანგმა “ლურჯებთან” მოლაპარაკებები შეაჩერა, რადგან “ბარსას” ელოდება. კატალონიელებს დრო სჭირდებთ და დარწმუნებულნი არიან, რომ ფეხბურთელის შეძენას შეძლებენ.

წყაროს ცნობით, ლას ვეგაში ბევრი რამ გადაწყდება და წინ მნიშვნელოვანი საათები გველის.