პაბლო ტორეს პირველი კომენტარი ბარსელონას ფეხბურთელის რანგში

გაკვირვებული ვიყავი, როცა გავიგე, რომ ჩავისნაირი ადამიანი ასე კარგად მიცნობს. მან დამირეკა და მითხრა, რომ გუნდის ახალ პროექტში ჩემს ადგილს ხედავს და ამიხსნა, ჩემგან რას ელის 

მე ვარ მოთამაშე, რომელსაც ბურთის ფლობა უყვარს. სწორედ ამიტომ, მას სწრაფად ვიბრუნებ. ტყავის სფეროს კარგად ვეპყრობი და ფეხბურთისგან სიამოვნებას ვიღებ 

გრძელვადიან პერსპექტივაში, მსურს, აქ დიდ წარმატებებს მივაღწიო, მაგრამ ახლა მხოლოდ იმაზე ვფიქრობ, რომ გუნდში თავი ნელ-ნელა დავიმკვიდრო. “ბლაუგრანაში” თავმდაბლობით მოვდივარ, მაგრამ, ასევე – საკმარისი კომპეტენციით.

აქ ყოფნით მე და ჩემი ოჯახი ძალიან ბედნიერები ვართ. ვიმედოვნებ, “ბარსას” ყველაფრით დავეხმარები. ჩემი კუმირები მესი, ინიესტა და ჩავი არიან – მათ ყოველთვის ვუყურებდი.

ასეთ დიდ გუნდში მოსვლა ძალიან მიხარია. ქალაქიც შესანიშნავია. კლუბისთვის ყველაფერს გავიღებ.

მე “რასინგის” გულშემატკივარი ვარ, მაგრამ გვარდიოლას “ბარსელონასა” და ისეთი ფეხბურთელების ყურებით გავიზარდე, როგორებიც ლეო მესი, ანდრეს ინიესტა და ჩავი არიან. მათ დიდ ყურადღებას ვაქცევდი და ამით ბევრი ვისწავლე.