ჩავისა და ფერან ტორესის პრესკონფერენცია აინტრახტთან მატჩის წინ

გუნდი ამ მნიშვნელოვანი თამაშისთვის ძალიან მოტივირებულია. ჩვენ ამ სტადიონზე პირველად ვითამაშებთ და მოგებას შევეცდებით. “აინტრახტი” კარგი გუნდია და პრობლემებს შეგვიქმნის, თუმცა ჩვენ საკუთარ თამაშზე ვიქნებით მოტივირებულნი.

ჩავიმ ჩემი ადაპტაციის პროცესში მნიშვნელოვანი როლი შეასრულა. მე კარგ ფორმაში ვარ და მნიშვნელოვანია, რომ გუნდს ვეხმარები.

გოლების გატანა? შემტევებს გოლების გატანა და ასისტების გაკეთება ევალებათ, მე უფრო ასისტები მეხერხება, თუმცა თუ შანსები მექნება, ისინი უნდა გამოვიყენო.

პედრისთან ერთად ყოველდღე ვვარჯიშობთ და მისი მუშაობითა და თავმდაბლობით გაკვირვებულები ვართ. მას შეუძლია, მომავალში მსოფლიოს საუკეთესო ფეხბურთელი გახდეს.

ჩავიში მის დნმ-ს, ლიდერობის თვისებას და იმ ფაქტს გამოვარჩევდი, რომ ის მოთამაშეებზე ზეწოლას არ ახდენს. ჩავიმ გუნდი ძალიან შეცვალა.

დემბელეს გუნდში დავტოვებდი. ის განსხვავებული ფეხბურთელია, “ბარსასთვის” მისი ყოლა სასარგებლოა, თუმცა საბოლოოდ, თავად უსმანი გადაწყვეტს, რა არის მისთვის საუკეთესო.

“ბარსამ” ტიტულები უნდა მოიგოს. ხვალინდელი თამაში პირველი ნაბიჯი იქნება ევროპა ლიგის მოგებისკენ.

გერმანიაში ჩამოსვლა ყოველთვის სასიამოვნოა. ვეცდებით, ბურთი გავაკონტროლოთ და იგივე გავიმეოროთ, რასაც ბოლო პერიოდში ვაკეთებდით. 

აქ არასდროს გვითამაშია, მაგრამ ჩვენთვის არაფერი არ იცვლება. მნიშვნელობა არ აქვს, პირველ თამაშს შინ ატარებ თუ გასვლაზე. “აინტრახტი” ძლიერი გუნდია. თამაში რთული იქნება. წილისყრაში არ გაგვიმართლა.

დესტის შემცვლელად არაუხოს, მინგესას ან გარსიას გამოყენება შეგვიძლია. 

რას ნიშნავს ის ფაქტი, რომ არაუხო კონტრაქტის გახანგრძლივების სანაცვლოდ დიდ მსხვერპლზე მიდის? ჩვენთვის ესაა გარანტია, რომ ის ფეხბურთელია, რომელსაც “ბარსელონაში” 10 წლის განმავლობაში თამაში შეუძლია. ის ბურთით კარგად თამაშობს და ჩვენც სწორედ ამას ვითხოვთ. რონალდი “ბარსაში” ბედნიერია. ის ძალიან თავმდაბალია. არაუხოს მსგავსი ფეხბურთელების ყოლა ნამდვილი სიამოვნებაა.

დემბელე? ბევრჯერ მითქვამს, რომ კლუბი აწმყოსა და მომავლისთვის მუშაობს. უსმანი ჩვენთვის მნიშვნელოვანი მოთამაშეა და ვიმედოვნებ, დარჩება.

“აინტრახტს” ძალიან კარგი ფეხბურთელები ჰყავს. შეიძლება, ისინი ესპანეთში საკმარისად ცნობილები არ არიან, თუმცა ისინი ძალიან მაღალი დონის მოთამაშეები არიან.

მოდუნება სერიოზული შეცდომა იქნება. დღეს ყველა მუშაობს და შემართება არ უნდა დაკარგო, რადგან შემდეგ მეტოქე გაჯობებს. მოდუნება არ იქნება, ისინი დაგვამარცხებენ, ჩვენ მივულოცავთ – ესაა და ეს.

“აინტრახტი” დიდებული კლუბია. მათ “ბეტისი” გააგდეს, დორტმუნდის “ბორუსიასა” და “ბაიერნს” კი პრობლემები შეუქმნეს. ისინი ფიზიკურად ძლიერები არიან და ხვალ დამატებითი მოტივაცია ექნებათ. ამ მოტივაციას უნდა მივეჩვიოთ, წინააღმდეგ შემთხვევაში, გვაჯობებენ.

ჩვენ მეტოქე უნდა შევზღუდოთ და თამაშის რითმი ვაკონტროლოთ. რისკები მინიმუმამდე უნდა დავიყვანოთ და ბურთი არ დავკარგოთ. 

მე მხოლოდ ნოემბრის შემდეგ არსებულ სიტუაციაზე საუბარი შემიძლია და ბევრჯერ მითქვამს, რომ დემბელეს დამოკიდებულება და მატჩში ჩართულობა სამაგალითოა. უსმანი ბედნიერია. ის ძალიან კარგი პროფესიონალია.

არსებული შემადგენლობით ბედნიერი ვარ. ჩვენ შესანიშნავი გუნდი გვყავს და ამის გამო ძალიან მოხარული ვარ.

არაუხოსთან კონტრაქტის გახანგრძლივების პროცესი არ დასრულებულა. მოლაპარაკებები გავისა და რობერტოსთანაც მიმდინარეობს. 

ფერანმა თქვა, რომ დემბელეს გუნდში დატოვებდა? კარგი, არ ვიცი, რა უნდა დავამატო. ჩვენ საუკეთესო ფინანსური სიტუაცია არ გვაქვს და ამას უნდა მოვერგოთ. ვიმედოვნებ, უსმანი დარჩება, რადგან ის ჩვენთვის ფუნდამენტური მნიშვნელობისაა.

ჩვენ ერთი ოჯახი ვართ. ვიგებთ თუ ვაგებთ, ჩვენ ყოველთვის ერთად ვართ და ეს ყველაზე მნიშვნელოვანია.

მოვლენების განვითარებით ბედნიერი ვარ, მაგრამ ის შეიძლება შეიცვალოს და ჩვენ ეს უნდა ვიცოდეთ. შექება კრიტიკაზე უკეთესია, თუმცა ამან არ უნდა დაგვაბნიოს და თავმდაბლობა არ უნდა დაგვაკარგვინოს.

აქ იმისთვის ვარ, რომ ფეხბურთელებს მოგებაში დავეხმარო და არა იმისთვის, რომ პირადი დიდება მივიღო. ეს უკანასკნელი რამაა, რაც მაღელვებს.

“ბარსა” ატრაქციონია, აქ არის მაქსიმალური სიხარულისა და მაქსიმალური წუხილის მომენტები, რისი მართვაც რთულია. ამისთვის მზად უნდა იყო.

ტრაორე მნიშვნელოვანი მოთამაშე იქნება. თამაში ყოველ სამ დღეშია და როტაციას უნდა მივმართოთ.