მომდევნო სეზონიდან “ბარსელონას” მამაკაცებისა და ქალების პირველი გუნდების მაისურზე ახალი საქველმოქმედო ორგანიზაციის, გაეროს ლტოლვილთა უმაღლესი კომისარიატის ლოგო გამოჩნდება. ეს ინფორმაცია “ბარსამ” რამდენიმე წუთის წინ ოფიციალურად დაადასტურა.
საქველმოქმედო ორგანიზაციის რეკლამა ფორმის უკანა მხარეს, ნომრის ქვეშ გამოჩნდება, სადაც ახლა გაეროს ბავშვთა ფონდის (UNICEF) რეკლამაა. როგორც ჩანს, UNICEF-ის რეკლამა “ბარსას” ფორმიდან ქრება, თუმცა ცნობილია, რომ “ბლაუგრანა” განაგრძობს ამ ორგანიზაციასთან 2006 წელს დაწყებულ თანამშრომლობას, რომლის შედეგადაც დახმარება 3 მილიონ ბავშვს გაუწიეს.
გაეროს ლტოლვილთა უმაღლესი კომისარიატის (UNHCR) რეკლამა “ბარსას” ფორმებზე 2022 წლის ივლისში გამოჩნდება. შეთანხმება მოქმედი მომდევნო 4 წლის განმავლობაში იქნება.
თანამედროვე სამყაროსთვის ლტოლვილების სიმრავლე ერთ-ერთი მზარდი პრობლემაა. კომისარიატის მონაცემებით ამჟამად მსოფლიოში 82.4 მილიონი ლტოლვილია და უკრაინაში მიმდინარე ომის გამო ეს მონაცემები კიდევ უფრო გაიზრდება.
ჩვენზე მეტი შესაძლებლობები აქვთ უამრავ კლუბს და რაღაც არ გამიგია ვინმეს ეხმარებოდნენ.
ალბათ ფულს არ გადაიხდიან რადგან საქველმოქმედო ორგანიზაციაა, და ბარსელონაც ერთვება ამ კამპანიაში მათი გაპიარებით.