ოფიციალური ინფორმაცია სერჟინიო დესტის ტრავმასთან დაკავშირებით

გუშინ, “გალათასარაისთან” მოგებულ (2-1) მატჩში, სერჟინიო დესტმა ტრავმა მიიღო, რის გამოც, როგორც ვარაუდობენ, ის მოახლოებულ “ელ კლასიკოს” გამოტოვებს.

“ბარსელონას” ოფიციალური Twitter-ის გვერდის ინფორმაციით, ამერიკელს მარცხენა ბარძაყის ბიცეფსის დაზიანება აქვს, ფეხბურთელის დაბრუნების თარიღს კი მისი გამოჯანმრთელების პროცესი განსაზღვრავს.

დესტი გუშინდელ შეხვედრაში მეტოქის წინააღმდეგ განხორციელებული ვარდნის შემდეგ დაშავდა და 56-ე წუთზე მოედნიდან გასაყვანი გახდა – მის ნაცვლად თამაშში რონალდ არაუხო ჩაერთო.

როგორც AS-ის ჟურნალისტი ხავი მიგელი იტყობინება, სერჟინიოს, სავარაუდოდ, 3 კვირა გაუცდება და “აინტრახტის” წინააღმდეგ გასამართი მატჩისთვის მისი მომჯობინება ძალიან საეჭვოა. საქმეს კიდევ უფრო ის ართულებს, რომ გერმანელებთან დანი ალვესი ვერ ითამაშებს, რადგან ბრაზილიელი ევროპა ლიგის განაცხადში არაა. შესაბამისად, მარჯვენა მცველად თამაში რონალდ არაუხოს ან ოსკარ მინგესას მოუწევს.