ევროპა ლიგის 1/4 ფინალში ბარსელონას მეტოქე ცნობილია

გუშინ ევროპა ლიგის მერვედფინალში “ბარსელონამ” “გალათასარაი” სტუმრად 2-1 დაამარცხა და მეოთხედფინალის საგზური მოიპოვა.

ახლახან 1/4 ფინალის წილისყრა გაიმართა, სადაც კატალონიური კლუბის მეტოქე გაირკვა.

“ბარსელონა” ფრანკფურტის “აინტრახტს” დაუპირისპირდება.

პირველი შეხვედრა 7 აპრილს “დოიჩე ბანკ პარკზე” გაიმართება, განმეორებით მატჩს კი 14 აპრილს “კამპ ნოუ” უმასპინძლებს.

დანარჩენი წყვილები ასე გამოიყურება:

• “ლაიფციგი” – “ატალანტა”
• “ვესტ ჰემი” – “ლიონი”
• “ბრაგა” – “რეინჯერსი”

1/2 ფინალში გასვლის შემთხვევაში, “ბლაუგრანა” “ვესტ ჰემისა” და “ლიონის” წყვილიდან გამარჯვებულს შეხვდება.