ბოლო დღეების განმავლობაში პრესაში ტრიალებდა ინფორმაცია აფელაის “ბარსადან” სხვა გუნდში შესაძლო გადასვლის თაობაზე. თუმცა კატალონიური გრანდის სპორტულმა დირექტორმა, ანდონი სუბისარეტამ აღნიშნულ საკითხს წერტილი დაუსვა და განაცხადა, რომ იბი გუნდში რჩება.
სუბისერეტამ აღნიშნული განცხადება “გამპერის თასის” გათამაშების წინ გააკეთა და დაამატა, რომ ჰოლანდიელი ნახევარმცველის ტრანსფერზე არავითარი წინადადება არ მიუღიათ.
აფელაი, რომელიც ამჟამად ტრავმირებულია, “ბარსელონაში” იანვარში “პსვ ეინდჰოვენიდან” გადავიდა. მართალია, მან ვერ მოახერხა ძირითად შემადგენლობაში ადგილის დამკვიდრება, მაგრამ სათამაშო წუთებს გვარდიოლასგან იღებს.
