Globe Soccer Awards – ბარსელონას 3 ჯილდო შეხვდა

Globe Soccer Awards-ის წლევანდელი დაჯილდოებაც ისევე უცნაურად დასრულდა, როგორც მისი თითქმის ყველა წინამორბედი. რობერტ ლევანდოვსკი სცენაზე 3-ჯერ აიყვანეს, წლის საუკეთესო ფეხბურთელის ჯილდო კი “ოქროს ბურთზე” მე-9 ადგილზე გასულ კილიან მბაპეს გადასცეს.

“ბარსელონას” წილად 3 ჯილდო ხვდა. კატალონიელთა ქალთა გუნდი 2021 წლის საუკეთესო ქალების გუნდად დასახელდა. გუნდის ლიდერი ალექსია პუტელიასი წლის საუკეთესო ქალი ფეხბურთელი გახდა. კარიერული მიღწევებისთვის კი ჯილდო “ბარსელონას” ლეგენდას, რონალდინიოს გადაეცა.

სხვა ჯილდოები ასე განაწილდა:

• წლის საუკეთესო მეკარე – ჯიჯი ბუფონი;
• წლის საუკეთესო მამაკაცების გუნდი – ჩელსი;
• წლის საუკეთესო აფრიკული აკადემია – ZED FC
• წლის საუკეთესო esport მოთამაშე – Msdossary7;
• ჯილდო ინოვაციისთვის – სერია A;
• წლის საუკეთესო მცველი – ლეონარდო ბონუჩი;
• წლის საუკეთესო სპორტული დირექტორი – ჩიკი ბეგირისტაინი;
• წლის საუკეთესო აგენტი – ფედერიკო პასტორელო;
• წლის საუკეთესო ნაკრები – იტალიის ნაკრები;
• ჯილდო ყველა დროის საუკეთესო ბომბარდირობისთვის – კრიშტიანუ რონალდუ;
• წლის საუკეთესო მწვრთნელი – რობერტო მანჩინი;
• მარადონას ჯილდო – რობერტ ლევანდოვსკი;
• წლის საუკეთესო მამაკაცი ფეხბურთელი – კილიან მბაპე;
• TikTok-ის ფანების რჩეული – რობერტ ლევანდოვსკი.