ერთი დღე "ბარსას" ისტორიაში - 7 თებერვალი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 7 თებერვალს მოხდა.

თამაშები

7 თებერვალს "ბარსელონას" 17-ჯერ უთამაშია. კატალონიელებმა 11 მატჩი მოიგეს, 5 ფრედ დაასრულეს და 1 წააგეს.

1938 წელი

დაიბადა "ბარსელონას" ყოფილი ფეხბურთელი კაიეტანო რე. 1962-1966 წლებში "ბარსელონას" მაისურით მან ლა ლიგაში 84 თამაში ჩაატარა და 56 გოლი გაიტანა. კატალონიურ კლუბში მან თითოჯერ ესპანეთის თასი და ბაზრობათა თასი (ამჟამინდელი ევროპა ლიგა) მოიგო. 1964/65 წლების სეზონში ის პიჩიჩის ჯილდოს (ლა ლიგის საუკეთესო ბომბარდირი) მფლობელი გახდა.

1971 წელი

ლა ლიგის საშინაო მატჩში "ბარსელონამ" "ესპანიოლი" 1-0 დაამარცხა. გოლი ნარსის მარტი ფილოსიამ გაიტანა.

1992 წელი

დაიბადა სერჟი რობერტო.

1999 წელი

"ექსტრემადურასთან" სტუმრად 2-1 მოგებულ შეხვედრაში პეპ გვარდიოლამ ლა ლიგაში მე-200 თამაში ჩაატარა.

2016 წელი

"ლევანტესთან" სტუმრად 2-0 მოგებულ შეხვედრაში სერჟი რობერტომ ლა ლიგაში 50-ე თამაში ჩაატარა.