ჩავი ერნანდესი “ბარსელონაში” მუშაობას საკადრო პრობლემებით იწყებს. “ესპანიოლთან” ზეგ გასამართი მატჩისთვის მის განკარგულებაში პირველი გუნდიდან მხოლოდ 3 თავდამსხმელი იქნება – მემფის დეპაი, ლუკ დე იონგი და იუსუფ დემირი.
ცნობილია, რომ ჩავი ისეთ გარემარბებს ანიჭებს უპირატესობას, რომლებიც ფლანგებს მაქსიმალურად შლიან, ასეთი კი ხსენებული სამეულიდან არცერთია. სწორედ ამის გათვალისწინებით, Sport ვარაუდობს, რომ ერნანდესი “ბარსა ბ-დან” 19 წლის აბდე ეზალზულის თამაშის შანსს მისცემს.
ერთ-ერთ ვარიანტად მარჯვენა ფლანგზე იუსუფ დემირის დაყენება განიხილება, მაგრამ მას ნაკლები შანსი აქვს, რადგან ავსტრიელი უფრო ფლანგიდან ცენტრში შეწევით გამოირჩევა და არა თამაშის გაშლით. ასე რომ, დიდი შანსია, “ესპანიოლთან” გასამართ დერბიში “ბარსელონას” შეტევა ასეთი იყოს – მემფის დეპაი, ლუკ დე იონგი, აბდე ეზალზული.
აბდემ პირველ გუნდში უკვე 2 თამაშის ჩატარება მოასწრო და მას ცუდი შთაბეჭდილება არ დაუტოვებია.
ხო ლუკ დე იონგი დააყენოს და იქნება დროზე ადრე დაამთავროს ჩავიმ კარიერა.
არ ჩანს ცუდი როჟა, სწრაფიცაა და ტექნიკურიც, დემბელე თუ არ გვეყოლება გავის გარემარბობას ნაღდად აჯობებს