მუსა ვაგეს რეაბილიტაციის პროცესი დასასრულს უახლოვდება

გაბრიელ სანსის ინფორმაციით, ჯერ კიდევ “ბარსელონას” საკუთრებაში მყოფი ფეხბურთელის, მუსა ვაგეს სარეაბილიტაციო პროცესი დასასრულს უახლოვდება.

სენეგალელმა მარჯვენა მცველმა 2020 წელს, როდესაც იგი ბერძნული პაოკ-ის რიგებში იჯარით ასპარეზობდა, მუხლის ძალიან სერიოზული ტრავმა მიიღო, რის შემდეგაც უქმად ყოფნა უწევს.

ზემოხსენებული წყაროს ცნობით, 23 წლის მოთამაშე 2 თვეში მოედანზე გასვლას კვლავ შეძლებს.

ვაგე “ბარსამ” 2018 წელს, ბელგიური “ეიპენიდან” შეიძინა. მან სარეზერვო გუნდის შემადგენლობაში 20 მატჩში თავი 2 გოლითა და 3 ასისტით გამოიჩინა, პირველ გუნდში კი მხოლოდ 6 შეხვედრა ჩაატარა.

მუსას “ბლაუგრანასთან” კონტრაქტი 2023 წლის 30 ივნისამდე აკავშირებს.