ბარსელონა ანდრე ონანას დაუკავშირდა

ამჟამად “აიაქსის” რიგებში მოთამაშე ანდრე ონანა 2022 წლის ზაფხულში თავისუფალი აგეტი ხდება. აქედან გამომდინარე, მისით არაერთი კლუბი ინტერესდება. 

skySport-ის ინფორმაციით, ონანას “ბარსელონას” წარმომადგენლებიც დაუკავშირდნენ. მიუხედავად ამისა, პრესაში მიიჩნევა, რომ მეკარისათვის ბრძოლაში მოწინავე პოზიციაზე “ინტერი” იმყოფება.

იტალიელებს სურთ, რომ ონანასთან შეთანხმებას რაც შეიძლება, სწრაფად მიაღწიონ და მისი ტრანსფერი დახურონ.

შეგახსენებთ, რომ ონანა “ბარსელონას” აკადემიის აღზრდილია. ის “ლა მასიაში” 2010-2015 წლებში ირიცხებოდა.