ლაპორტა ტენ ჰაგს შეუთანხმდა

“ბარსელონას” მთავარ მწვრთნელს, ჟოან ლაპორტას “აიაქსის” დამრიგებელთან, ერიკ ტენ ჰაგთან პრინციპული შეთანხმება აქვს და 51 წლის ნიდერლანდელი “ბლაუგრანას” მწვრთნელი 2022 წლის ზაფხულში გახდება. ამ ინფორმაციას El Nacional ავრცელებს.

ცნობილია, რომ ლაპორტამ რონალდ კუმანის შენარჩუნების გადაწყვეტილება მიიღო. ამის მთავარ მიზეზად ის სახელდება, რომ პრეზიდენტმა ნიდერლანდელის სათანადო შემცვლელი ამ ეტაპზე ვერ მოძებნა. განიხილებოდა დროებითი მწვრთნელის ვარიანტი, სანამ ლაპორტას ფავორიტები, მარსელო გალიარდო და ერიკ ტენ ჰაგი თავიანთი ამჟამინდელი კლუბებისგან გათავისუფლდებოდნენ.

ტენ ჰაგი უარზეა “აიაქსი” შუა სეზონში მიატოვოს, ეს კი იმას ნიშნავს, რომ თუ ლაპორტას ის სურს, სეზონის ბოლომდე უნდა მოიცადოს. El Nacional-ის ინფორმაციით პრეზიდენტი სწორედ ამას აპირებს, ნიდერლანდელთან კი შეთანხმება უკვე მიღწეული აქვს.

“ბარსელონას” ნიდერლანდებიდან ერიკ ტენ ჰაგზე კარგი ანგარიშები მისდის. გარდა იმისა, რომ მან “აიაქსს” 2018 წლიდან დღემდე 5 ტიტული მოაგებინა და ერთხელ ჩემპიონთა ლიგის 1/2 ფინალშიც გაიყვანა, ტენ ჰაგის მიერ გაწვრთნილი გუნდი შემტევ და სანახაობრივ ფეხბურთს თამაშობს, რაც ლაპორტასთვის მნიშვნელოვანია.