ბენფიკა-ბარსელონა: მატჩისწინა მიმოხილვა

დღეს, ჩემპიონთა ლიგის მე-2 ტურის შეხვედრაში, “ბარსელონა” “ბენფიკას” ესტუმრება.

“ბაიერნთან” მატჩის შემდეგ, შეგვიძლია ვთქვათ, რომ კატალონიელებისთვის ჯგუფში პირველი ადგილის დაკავება ძალიან რთული იქნება, რაც ნიშნავს იმას, რომ “ბარსას” რეალური კონკურენტი არა “ბაიერნი”, არამედ “ბენფიკაა”.

სათამაშო ფორმა

“ბლაუგრანა” დღევანდელ დაპირისპირებას კარგი განწყობით ხვდება. “ლევანტესთან” ანსუ ფატის დაბრუნება ძალიან ემოციური გამოდგა, რამაც გულშემატკივრებს კლუბში არსებული უამრავი პრობლემის დროებით დავიწყების საშუალება მისცა. ამასთან, გუნდმაც დამაჯერებლად მოიგო, თუმცა ეს უფრო მეტოქის სისუსტით იყო გამოწვეული და არა რაიმე სახის პროგრესით.

სავარაუდოდ, ძირითად შემადგენლობაში იქნება რონალდ არაუხო, რომელიც კუმანმა “ბენფიკასთან” მატჩისთვის დაასვენა. ჟორდი ალბამ გამოჯანმრთელება ვერ მოასწრო, ამიტომაც, დაცვის ფლანგებზე კვლავ დესტსა და მინგესას ვიხილავთ. ნახევარდაცვაში დაბრუნდება ფრენკი დე იონგი. 

მეტოქე

“ბენფიკამ” სეზონი ძალიან კარგად დაიწყო. პორტუგალიის ჩემპიონატის პირველ 7 ტურში ჟორჟე ჟეზუსის გუნდმა მაქსიმალური, 21 ქულის მოგროვება შეძლო და გათამაშების ერთპიროვნული ლიდერია. მიმდინარე სეზონში ჩატარებულ 12 ოფიციალურ მატჩში “ბენფიკა” არ დამარცხებულა (10 მოგება, 2 ფრე).

კარგ ფორმაშია “ბენფიკას” ახალწვეული რომან იერემჩუკი, რომელმაც პრიმეირა ლიგას 5 მატჩში 4 გოლი და 1 საგოლე გადაცემა მიითვალა. ასევე, 4 გოლი აქვს 22 წლის დარვინ ნუნიესს.

აღსანიშნავია, რომ ბოლო პერიოდში “არწივების” რიგებში თავი რამდენიმე გამორჩეულმა ფეხბურთელმა მოიყარა, მათ შორის არიან ნიკოლას ოტამენდი, ადელ ტაარაბტი, იან ვერტონგენი და ჟოაუ მარიუ.

ასევე, “ბენფიკაში” თამაშობს 26 წლის ალექს გრიმალდო, რომელიც ლისაბონურ კლუბს 2016 წელს, “ბარსა B-დან” შეუერთდა. ამ პერიოდში მისი სატრანსფერო ღირებულება 2-დან 22 მილიონ ევრომდე გაიზარდა (Transfermarkt). პრესაში მისი დაბრუნების შესახებ რამდენჯერმე დაიწერა, თავად ფეხბურთელმა საჯაროდ განაცხადა, რომ “ბლაუგრანა” მისი სახლია, სადაც სიამოვნებით დაბრუნდებოდა.

მწვრთნელები მატჩის წინ

რონალდ კუმანი:

ჟორჟე ჟეზუსი:

დანაკლისი

“ბარსელონას” მხრიდან, ვერ ვიხილავთ ჟორდი ალბას, სერხიო აგუეროს, მარტინ ბრეითუეიტს, უსმან დემბელესა და ალეხანდრო ბალდეს. განაცხადს დაუბრუნდნენ პედრი გონსალესი, სერჟი რობერტო და ფრენკი დე იონგი. ამ უკანასკნელმა “კადისთან” მიღებული წითელი ბარათის გამო, “ლევანტესთან” მატჩი გამოტოვა. 

სავარაუდოდ, ძირითად შემადგენლობაში ვერ ვიხილავთ ანსუ ფატისა და პედრის. ისინი მოედანზე მატჩის მეორე ნახევარში გამოვლენ.

რაც შეეხება “ბენფიკას” პორტუგალიელებს არ ეყოლებათ ჰარის სეფეროვიჩი და დიოგო გონსალვესი. ასევე, საეჭვოა გუნდის სერბი ლეგიონერების, ნემანია რადონიჩისა და მილე სვილარის თამაში, თუმცა მათ “ბენფიკას” მიერ გამართულ ბოლო სავარჯიშო სესიაში მონაწილეობა მიიღეს.

ურთიერთშეხვედრები

“ბარსელონასა” და “ბენფიკას” ერთმანეთის წინააღმდეგ 7-ჯერ უთამაშიათ (ბურთების შეფარდება – 8-4), შვიდივეჯერ ჩემპიონთა თასზე/ლიგაზე, 3-ჯერ კატალონიელებმა მოიგეს, ასევე 3-ჯერ ფრე დაფიქსირდა, ერთხელ კი “ბენფიკამ” იმარჯვა, თუმცა ეს ერთი მატჩი ამ კლუბების ურთიერთშეხვედრების ისტორიაში პირველი და ყველაზე მნიშვნელოვანი იყო.

1961 წლის 31 მაისს, “ბლაუგრანამ” ისტორიაში პირველად, ჩემპიონთა თასის ფინალში ითამაშა. ფინალური დაპირისპირებისკენ მიმავალ გზაზე “ბარსამ” “რეალი” გამოაგდო, რომელსაც ჩემპიონთა თასის პირველი ხუთი გათამაშება ჰქონდა მოგებული. ფინალში კი, რომელიც ბერნში გაიმართა, კატალონიელები ეუსებიოს “ბენფიკასთან”, ანგარიშით 2-3, დამარცხდნენ. “ბარსას” მხრიდან, გოლები უნგრელებმა, ზოლტან ციბორმა და შანდორ კოჩიშმა, გაიტანეს. აღსანიშნავია, რომ ერთი წლის შემდეგ, “ბენფიკამ” ფინალში “რეალს” სძლია.

მას შემდეგ, ამ გუნდების გზა სამჯერ გადაიკვეთა, აქედან ორჯერ ჯგუფურ ეტაპზე. 2006 წელს, “ბარსა” “ბენფიკას” 1/4-ფინალში შეხვდა და ორი მატჩის ჯამში 2-0 დაამარცხა. მაშინ, ლისაბონური კლუბის მთავარი მწვრთნელი რონალდ კუმანი გახლდათ.

“და ლუჟზე” ამ გუნდებს სამჯერ უთამაშიათ, აქედან “ბარსამ” ერთი მოიგო, ორი კი ფრედ დაასრულა, ბურთების შეფარდება – 2-0. ბოლოს, “ბარსა” და “ბენფიკა” ერთმანეთს 2012/13 წლების სეზონში დაუპირისპირდნენ და პორტუგალიურ კლუბს მაშინაც ჟორჟე ჟეზუსი წვრთნიდა.

საინტერესო ფაქტები

• “ბენფიკას” სახლში “ბარსელონასთვის” გოლი არასდროს გაუტანია
• ბოლო 4 მატჩში, “ბარსელონამ” “ბენფიკასთან” კარი მშრალად შეინახა
• “ბენფიკას” საერთაშორისო ტურნირი 1962 წლის შემდეგ არ მოუგია
• ჩემპიონთა ლიგის ბოლო 7 მატჩიდან 5-ში “ბენფიკამ” კარი მშრალად შეინახა
• ბოლოს “ბარსელონამ” “და ლუჟზე” შარშან ითამაშა და “ბაიერნთან” 2-8 დამარცხდა
• ჟორჟე ჟეზუსს “ბარსა” არასდროს დაუმარცხებია (1 ფრე, 3 მარცხი)

არბიტრი

მატჩს იტალიელი არბიტრი, დანიელე ორსატო გაუძღვება. სრული სტატისტიკა შეგიძლიათ იხილოთ აქ:

• ბენფიკა-ბარსელონა: შეხვედრის არბიტრი ცნობილია

სავარაუდო შემადგენლობები

SofaScore:

“ბარსელონა” | 4-2-3-1

ტერ შტეგენი – მინგესა, პიკე, არაუხო, დესტი – ბუსკეტსი, ფ. დე იონგი – გავი, პედრი, დეპაი – ლ. დე იონგი

“ბენფიკა” | 3-4-3

ვლახოდიმოსი – ვერისიმო, ოტამენდი, ვერტონგენი – ლაცარო, ვაიგლი, მარიუ, გრიმალდო – სილვა, იერემჩუკი, ნუნიესი

WhoScored: 

“ბარსელონა” | 4-2-3-1

ტერ შტეგენი – მინგესა, პიკე, არაუხო, დესტი – ბუსკეტსი, ფ. დე იონგი – გავი, კოუტინიო, დეპაი – ლ. დე იონგი

“ბენფიკა” | 3-4-3

ვლახოდიმოსი – ვერისიმო, ოტამენდი, ვერტონგენი – ჟილბერტუ, ვაიგლი, მარიუ, გრიმალდო – სილვა, იერემჩუკი, ნუნიესი

SportsMole:

“ბარსელონა” | 4-3-3

ტერ შტეგენი – მინგესა, პიკე, არაუხო, დესტი – ბუსკეტსი, ფ. დე იონგი, პედრი – კოუტინიო, ლ. დე იონგი, დეპაი

“ბენფიკა” | 3-4-3

ვლახოდიმოსი – ვერისიმო, ოტამენდი, ვერტონგენი – პიცი, ვაიგლი, მარიუ, გრიმალდო – სილვა, იერემჩუკი, ნუნიესი

Sportskeeda:

“ბარსელონა” | 4-3-3

ტერ შტეგენი – მინგესა, პიკე, არაუხო, დესტი – ბუსკეტსი, ფ. დე იონგი, გავი – კოუტინიო, ლ. დე იონგი, დეპაი

“ბენფიკა” | 3-4-3

ვლახოდიმოსი – ვერისიმო, ოტამენდი, ვერტონგენი – ჟილბერტუ, ვაიგლი, მარიუ, გრიმალდო – სილვა, იერემჩუკი, ნუნიესი

Marca:

“ბარსელონა” | 4-3-3

ტერ შტეგენი – მინგესა, პიკე, არაუხო, დესტი – ბუსკეტსი, ფ. დე იონგი, გავი – კოუტინიო, ლ. დე იონგი, დეპაი

“ბენფიკა” | 3-4-3

ვლახოდიმოსი – ვერისიმო, ოტამენდი, ვერტონგენი – ჟილბერტუ, ვაიგლი, მარიუ, გრიმალდო – სილვა, იერემჩუკი, ევერტონი

პროგნოზი

SportsMole: ბენფიკა 1-1 ბარსელონა

Sportskeeda: ბენფიკა 1-3 ბარსელონა

WhoScored: ბენფიკა 1-2 ბარსელონა

ტრანსლაცია

“და ლუჟზე” მატჩი, თბილისის დროით, 23:00 საათზე დაიწყება და მის პირდაპირ რეპორტაჟს სილქ სპორტი 3 და silksport.ge შემოგთავაზებთ.