ერთი დღე “ბარსას” ისტორიაში – 28 სექტემბერი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 28 სექტემბერს მოხდა.

თამაშები

28 სექტემბერს “ბარსელონამ” 19 ოფიციალური თამაში ჩაატარა, საიდანაც კატალონიელებმა 11 მოიგეს, 3 ფრედ დაასრულეს და 5 წააგეს.

1941 წელი

სეზონის პირველ შეხვედრაში “ბარსელონამ” “ერკულესთან” 4-4 ითამაშა. კატალონიელთაგან გოლები მარტინმა (2) და ბრავომ (2) გაიტანეს.

1952 წელი

ლა ლიგის საშინაო შეხვედრაში “ბარსელონამ” “მალაგა” 6-2 გაანადგურა. მასპინძელთაგან გოლები სესარმა (2), მანჩონმა, მორენომ, ბოშმა და ვილამ გაიტანეს.

1975 წელი

“სევილიასთან” 2-0 მოგებული შეხვედრა “ბარსელონასთვის” ლა ლიგაში 1200-ე გამოდგა, რომელშიც კატალონიელებმა ამ ტურნირზე თავიანთი 2600-ე გოლი გაიტანეს.

2002 წელი

“ბეტისთან” 0-3 წაგება ჩავი ერნანდესისთვის ლა ლიგაში ჩატარებული მე-100 თამაში იყო.

2005 წელი

69 წლის ასაკში გარდაიცვალა “ბარსელონას” ყოფილი მცველი ენრიკ ჟენსანა.

2011 წელი

ჩემპიონთა ლიგაზე ბატე-ს კარში თავისი 194-ე გოლის გატანით ლიონელ მესი “ბარსელონას” ისტორიაში საუკეთესო ბომბარდირების სიაში მე-2 ადგილზე მყოფ ლადისლაო კუბალას გაუთანაბრდა.

2013 წელი

“ალმერიასთან” 2-0 მოგება ჩავი ერნანდესისთვის ლა ლიგაში ჩატარებული 450-ე თამაში იყო.

2019 წელი

“ხეტაფესთან” მატჩში მარკ-ანდრე ტერ შტეგენი “ბარსელონას” პირველი მეკარე გახდა 21-ე საუკუნეში, რომელმაც ლა ლიგაში საგოლე გადაცემა გააკეთა.