ერთი დღე “ბარსას” ისტორიაში – 26 სექტემბერი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 26 სექტემბერს მოხდა.

თამაშები

26 სექტემბერს “ბარსელონამ” 20 ოფიციალური თამაში ჩაატარა, საიდანაც კატალონიელებმა 10 მოიგეს, 4 ფრედ დაასრულეს და 6 წააგეს.

1957 წელი

“კამპ ნოუს” გახსნისადმი მიძღვნილი სამდღიანი ღონისძიებები “დორტმუნდთან” გამართულ ამხანაგურ მატჩში 4-1 გამარჯვებით დასრულდა. მასპინძელთა მხრიდან ხუან ვილიავერდემ დუბლი შეასრულა, თითო გოლი კი ერმეს გონსალესმა და ჟოზეპ მარია კოლმა გაიტანეს.

1972 წელი

დაიბადა “ბარსელონას” ყოფილი თავდამსხმელი ალფონსო პერესი. 2000-2002 წლებში მან “ბლაუგრანას” მაისურით 40 თამაში ჩაატარა და 6 გოლი გაიტანა.

1983 წელი

დაიბადა “ბარსელონას” ყოფილი პორტუგალიელი თავდამსხმელი რიკარდო კუარეშმა. 2003/04 წლების სეზონში მან “ბლაუგრანას” მაისურით 30 თამაში ჩაატარა და 2 გოლი გაიტანა.

1987 წელი

“ბარსელონას” მთავარი მწვრთნელის პოსტზე დებიუტი ჰქონდა ლუის არაგონესს, რომლის გუნდიც “ბილბაოსთან” 0-1 დამარცხდა. შეხვედრის ერთადერთი გოლი მე-2000 ბურთი იყო, რომელიც “ბარსელონამ” ლა ლიგაში გაუშვა.

1993 წელი

“ბარსელონამ” ლა ლიგაში მე-1000 თამაში მოიგო. კატალონიელებმა “სარაგოსა” 4-1 დაამარცხეს.

2009 წელი

პეპ გვარდიოლამ “ბარსელონას” მწვრთნელის როლში 50-ე თამაში მოიგო. კატალონიელებმა “მალაგა” 2-0 დაამარცხეს, გოლები იბრაჰიმოვიჩმა და პიკემ გაიტანეს.

2012 წელი

“ბარსელონამ” ქალთა ჩემპიონთა ლიგაზე ისტორიაში პირველი მატჩი ჩაატარა. კატალონიელები “არსენალს” დაუპირისპირდნებ და 0:3 დამარცხდნენ. იმ შეხვედრაში ითამაშა ალექსია პუტელიასმაც. იმ დროისთვის ძნელი წარმოსადგენი იყო, რომ რამდენიმე წლის შემდეგ გუნდი ევროპული ფეხბურთის დომინანტად ჩამოყალიბდებოდა.

2023 წელი

“ბარსელონა” სტუმრად “მალიორკას” 2-2 დაუზავდა. მატჩის 75-ე წუთზე ფერმინ ლოპესმა ანგარიში გაათანაბრა. 20 წლის ნახევარმცველისთვის ეს იყო პირველი ოფიციალური გოლი “ბარსელონას” პირველ გუნდში. იგი მოედანზე ორიოლ რომეუს ნაცვლად შევიდა და გოლის გასატანად მხოლოდ 11 წუთი დასჭირდა.