ს/კ “ბარსელონას” ყოფილ პრეზიდენტს, ხოსეპ ლუის ნუნიესს, მექრთამეობისა და დოკუმენტაციის გაყალბების გამო, ექვსი წლით თავისუფლების აღკვეთა მიუსაჯეს.
ნუნიესმა დანაშაული სამშენებლო კომპანიის პრეზიდენტობის დროს ჩაიდინა. ექვსი წლით თავისუფლების აღკვეთა შეუფარდეს ნუნიესის შვილსაც, ხოლო უფრო ხანგრძლივი პატიმრობა მიუსაჯეს კატალონიის მმართველობის ყოფილ “ჩინოვნიკს”, ხოსეპ მარია უგეტს – 13 წელი. გასული საუკუნის 90-ანი წლების ბოლოს, კატალონიელი “ჩინოვნიკები” უძრავი ქონების დარგში, ქრთამის მიღების სანაცვლოდ თვალს ხუჭავდნენ ბარსელონას მშენებარე ობიექტებში არსებულ სხვადასხვა სახის დარღვევებზე. საერთო ჯამში ნუნიესს ოთხი წელი მიესაჯა ქრთამის მიღებისათვის, ხოლო დამატებით ორი წელი კი საბუთების გაყალბებისთვის.
ხოსეპ ლუის ნუნიესი 1978-2000 წლებში გახლდათ “ბარსელონას” პრეზიდენტი. ამ პერიოდის განმავლობაში კლუბმა 27 ტიტული მოიპოვა, მათ შორის შვიდჯერ მოიგო ესპანეთის ჩემპიონატი, ექვსჯერ ესპანეთის სამეფო თასი და ერთხელ ჩემპიონთა თასი.
