სუპერკომპიუტერის ვარაუდით ბარსელონას ჩემპიონობის შანსები 44%-ია

FiveThirtyEight-ის სუპერკომპიუტერი ლა ლიგის 2021/22 წლების სეზონში “ბარსელონას” ჩემპიონობის შანსებს 44%-ად აფასებს და გათამაშების ფავორიტად მიიჩნევს.

აღნიშნული სუპერკომპიუტერი ვარაუდობს, რომ “ბარსა” 82 ქულას დააგროვებს და გოლების შეფარდება +51 ექნება.

კატალონიურ კლუბს მადრიდის “რეალი” და მადრიდის “ატლეტიკო”, შესაბამისად, 25%-ით და 16%-ით მოსდევენ. 

FiveThirtyEight-ის მიხედვით, ცხრილში პირველ ექვს პოზიციას შემდეგი გუნდები დაიკავებენ:

“ბარსელონა” – 82 ქულა

“რეალი” – 77 ქულა

“ატლეტიკო” – 73 ქულა

“სევილია” – 65 ქულა

“რეალ სოსიედადი” – 61 ქულა

“ვილიარეალი” – 60 ქულა

“ლურჯ-ბროწეულისფრებმა” ლა ლიგის პირველი შეხვედრა გუშინ, “რეალ სოსიედადის” წინააღმდეგ ჩაატარეს და 4-2 იმარჯვეს.