ერთი დღე “ბარსას” ისტორიაში – 22 ივლისი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 22 ივლისს მოხდა.

თამაშები

22 ივლისს “ბარსელონას” ოფიციალური თამაში არ ჩაუტარებია.

1927 წელი

დაიბადა “ბარსელონას” ყოფილი ნახევარმცველი დაგობერტო მოლი. 1954/55 წლების სეზონში მან “ბლაუგრანას” მაისურით 16 თამაში ჩაატარა და 4 გოლი გაიტანა.

1936 წელი

დაიბადა “ბარსელონას” ყოფილი თავდამსხმელი ხუან სემინარიო. 1964-1967 წლებში მან “ბლაუგრანას” მაისურით 48 თამაში ჩაატარა და 19 გოლი გაიტანა. სემინარიომ კატალონიურ გუნდში ბაზრობათა თასი (ამჟამინდელი ევროპა ლიგა) მოიგო.

1979 წელი

49 წლის ასაკში სიცოცხლე თვითმკვლელობით დაასრულა “ბარსელონას” ყოფილმა თავდამსხმელმა, შანდორ კოჩიშმა (სურათზე).

2011 წელი

“ბარსელონამ” ესპანელი თავდამსხმელის, ბოიან კრკიჩის იტალიურ “რომაში” ტრანსფერი ოფიციალურად დაადასტურა.