კარლოს იბანიესი: ბართომეუმ ბარსას ფეხბურთელების “გაშავება” დაგვავალა

RAC1 კომპანია I3 Ventures-ს ხელმძღვანელის, კარლოს იბანიესის, მიერ Barcagate-ის საქმეზე სასამართლოსთვის მიცემული ჩვენების ნაწილს ასაჯაროვებს.

კატალონიური გამოცემის მტკიცებით, იბანიესმა პროცესზე აღიარა, რომ ჟოზეპ მარია ბართომეუს ხელმძღვანელობამ კომპანიისგან სოციალურ ქსელებში ყალბი ანგარიშების შექმნა მოითხოვა, რომელთა მიზანიც ბართომეუს მოწინააღმდეგეთა მიმართ შავი პიარის კამპანიის აგორება იქნებოდა, მათ შორის იყვნენ “ბარსელონას” ყოფილი და მოქმედი ფეხბურთელები, ჟურნალისტები და სხვა.

როგორც მოგეხსენებათ, აღნიშნულ საქმეზე, პოლიციამ მარტში ბართომეუ, კლუბის დირექტორთა საბჭოს რამდენიმე წევრთან ერთად, დააკავა.