ორშაბათ დილას ფეხბურთელებმა საზაფხულო არდადეგები დაასრულეს და ვარჯიშისთვის მოემზადნენ. თექვსმეტმა ფეხბურთელმა დღეს სამედიცინო შემოწმება გაიარა…
კატალონიის “ბარსეონას” თექვსმეტმა ფეხბურთელმა დღეს სამედიცინო შემოწმება გაიარა. ტრავმირებული კარლეს პუიოლი აღდგენით სამუშაოებს განაგრძობს, ხოლო ბოიანს შემოწმება არ გაუვლია. კარლესის და ბოიანის მსგავსად, ტესტები არც “კოპა ამერიკაზე” მოღვაწე მესის, მილიტოს, მაშერანოს, ალვეშსა და ადრიანოს გაუვლიათ, რომელთა ეროვნული ნაკრებებიც ჩემპიონატს 1/4 ფინალური ეტაპიდან გამოეთიშნენ.
ბლაუგრანელები ახალ სავარჯიშო ფორმებში იყვნენ გამოწყობილნი. მათ ახლა ყვითელი ფერის მაისურები ამშვენებთ. ბურთთან პირველი კონტაქტი ფეხბურთლებს საღამოს ექნებათ. შეგახსენებთ, რომ ამ კვირაში კატალონიელები დღეში ორ ვარჯიშს გამართავენ: პირველი 9 საათსა და 30 წუთზე აიღებს სტარტს, ხოლო მეორე 19 საათზე დაიწყება.
სურათები
