ეიბარი-ბარსელონა: რონალდ კუმანი მატჩის წინ

ხვალ სეზონის ბოლო შეხვედრაა. ვეცდებით, მაღალი ინტენსივობით ვითამაშოთ და მოვიგოთ, მიუხედავად იმისა, რომ ჩემპიონობისთვის აღარ ვიბრძვით. ვისურვებდი, რომ სეზონი მოგებით დაგვემთავრებინა.

არ ვიცი, რა მოხდება, მართლა. ამ თემაზე პრეზიდენტს ბოლოს რამდენიმე კვირის წინ ვესაუბრე. მან პირველივე დღიდან იცის, რომ დარჩენა და კონტრაქტის ბოლომდე შესრულება მსურს, ვნახოთ, გადაწყვეტილება მან უნდა მიიღოს.

ხვალინდელი თამაშის შემდეგ ამაზე ვისაუბრებთ. კლუბმა გადაწყვეტილება, რაც შეიძლება, დროულად უნდა მიიღოს, ეს აუცილებელია ჩემთვისაც და კლუბისთვისაც.

ფეხბურთელებისა და მწვრთნელის მიმართ მეტი პატივისცემა უნდა გამოვიჩინოთ. ეს ფეხბურთელებზე მოქმედებს, ისინი ამას არ იმსახურებენ. პრესამ რაღაცები სხვანაირად უნდა გააკეთოს.

მესმის, რომ არსებობს კითხვები იმის შესახებ, რაც სეზონის ბოლოს მოხდა, თუმცა ბოლო პერიოდში, კლუბის მიმართ დიდი მხარდაჭერა არ შემიმჩნევია.

ამაზე ვერ გიპასუხებთ. თქვენ იცით, რომ მე ეს კლუბი მიყვარს. სანამ პრეზიდენტთან არ ვისაუბრებ, ამ კითხვაზე პასუხს ვერ გაგცემთ.

აგვისტოში, ეს შედეგი მისაღები იქნებოდა, ჩვენ მოვიგეთ თასი და ვიბრძოლეთ ლა ლიგისთვის. საერთო სურათი 2021-ში კარგი იყო, რაც მომავლის იმედს გვაძლევს, თუმცა რამდენიმე თამაში სათანადო დონეზე ვერ ჩავატარეთ.

საერთო ჯამში, იმ პრობლემების გათვალისწინებით, რომლებიც გვქონდა, ეს სეზონი ცუდად ვერ შეფასდება. ვერც ძალიან კარგად, მაგრამ ყველაფერი უნდა გავითვალისწინოთ.

საკითხს თვითკრიტიკულად ვუდგები. ვწუხვარ, რომ სეზონის გადამწყვეტ ნაწილში დასახულ მიზნებს ვერ მივაღწიეთ, თუმცა ჩვენ საწინააღმდეგოდ ბევრი რამ მოქმედებდა. თავს საუკეთესო მწვრთნელად არ მივიჩნევ, თუმცა ვთვლი, რომ “ბარსელონაში” მუშაობის გაგრძელება შემიძლია.

გუნდში არის სამი-ოთხი ფეხბურთელი, რომლებიც ამ სეზონში განსაკუთრებით დაიტვირთნენ. ეს არ ნიშნავს იმას, რომ გუნდის სხვა წევრებმა თავი დაზოგეს, მესიმ, პედრიმ და დე იონგმა ყველაზე მეტი ითამაშეს. მე ვალდებული ვარ, ფეხბურთელები დავიცვა. მათთან ამაზე ვისაუბრე. პედრის ევროპის ჩემპიონატი ელის, ლეოს კი – კოპა ამერიკა. დე იონგი “ეიბართან” ითამაშებს.

მე გავაკეთე ის, რაც მწვრთნელს უნდა გაეკეთებინა. პრესეზონი დაგეგმილია და კლუბს ტრანსფერების შესახებ ჩემი მოსაზრებებიც გავაცანი, ეს ჩემი ვალდებულებაა, უკანასკნელ დღემდე ასე იქნება.

მიზანი, რომელიც ჩვენ დავისახეთ, ერთ სეზონში ვერ მიიღწევა. შემადგენლობაში გარკვეული ცვლილებებია საჭირო, უნდა ვეძებოთ ისეთი ფეხბურთელები, რომლებიც მეტ ძალას მოგვცემენ. “ატლეტიკო” ჩამოყალიბებული კლუბია, ჩვენ კი ჯერ – არა. რამდენიმე პოზიციაზე გაძლიერება გვჭირდება. ჩვენ გვაქვს იდეები, რომლებიც უნდა განვახორციელოთ, რათა დიდი ტიტულებისთვის ბრძოლა შევძლოთ.

იმედი მაქვს, რომ იგი აქ კიდევ მრავალი წლის განმავლობაში დარჩება, როგორც პიროვნებასა და პროფესიონალს, მე მას 10-დან 10 ქულით შევაფასებდი. თუ მან წასვლა გადაწყვიტა, “ბარსამ” ეფექტურობა დანარჩენ ფეხბურთელებში უნდა ეძებოს. ლეომ ლა ლიგაში 30 გოლი გაიტანა, მასთან ერთად ამ გუნდს გაცილებით დიდი პოტენციალი აქვს.

ფეხბურთელები სულელები არ არიან, თითოეულმა მათგანმა იცის თუ რისი მიცემა შეუძლია კლუბისთვის, ასაკი დაუნდობელია. პატივისცემას ყველა ფეხბურთელი იმსახურებს.

ფეხბურთელებისთვის რთული პერიოდი დგას. ახლა, გუნდში იდეალური ატმოსფერო არ არის, რამდენიმე ფეხბურთელისთვის შედეგები განსაკუთრებით მტკინვეული იყო, ეს აბსოლუტურად ნორმალურია. მომავალზე საუბარი აუცილებელია.

არა. აქ ყოფნით ძალიან ბედნიერი ვარ. “ბარსას” მწვრთნელობაზე ყოველთვის ვოცნებობდი. ვიცოდი თუ რამხელა წნეხს ნიშნავს აქ ყოფნა, თუმცა მე ამისთვის მზად ვარ. ამ ქვეყანაში მწვრთნელების მიმართ განსაკუთრებულად კრიტიკულები არიან და პატივისცემასაც ნაკლებად იჩენენ, მაგრამ მე გაგრძელება მაინც მსურს.