ერთი დღე “ბარსას” ისტორიაში – 18 მაისი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 18 მაისს მოხდა.

თამაშები

18 მაისს “ბარსელონას” 13-ჯერ უთამაშია. კატალონიელებმა 2 მატჩი მოიგეს, 2 ფრედ დაასრულეს და 9 წააგეს.

1919 წელი

ესპანეთის თასის ფინალში “ბარსელონა” “არენას დე გეჩოსთან” ანგარიშით 2-5 დამარცხდა. კატალონიელთა კარში 3 გოლი ფელიქს სესუმაგამ გაიტანა, რომელიც მოგვიანებით “ბარსელონამ” შეიძინა.

1949 წელი

დაიბადა “ბარსელონას” ყოფილი თავდამსხმელი უგო სოტილი. 1973-1977 წლებში მან “ბლაუგრანას” მაისურით 70 თამაში ჩაატარა და 18 გოლი გაიტანა. სოტილმა კატალონიურ კლუბში 1 ესპანეთის ჩემპიონატი მოიგო.

1994 წელი

ჩემპიონთა ლიგის ფინალში “ბარსელონა” “მილანთან” ანგარიშით 0-4 განადგურდა.

1996 წელი

“ბარსელონამ” იოჰან კრუიფი მთავარი მწვრთნელის პოსტიდან გაათავისუფლა.

2019 წელი

“ბარსელონას” ქალთა გუნდმა მის ისტორიაში პირველი ჩემპიონთა ლიგის ფინალი “ლიონთან” 1-4 წააგო. კატალონიელთა მხრიდან ერთადერთი გოლი ოშოალამ გაიტანა.