ერთი დღე “ბარსას” ისტორიაში – 14 მაისი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 14 მაისს მოხდა.

თამაშები

15 მაისს “ბარსელონას” 13-ჯერ უთამაშია. კატალონიელებმა 8 მატჩი მოიგეს, 3 ფრედ დაასრულეს და 3 წააგეს.

1922 წელი

“ბარსელონამ” ესპანეთის თასის ფინალში “რეალ უნიონი” 5-1 დაამარცხა და ეს ტურნირი მეხუთედ მოიგო.

1994 წელი

ლა ლიგის ბოლო ტურში “დეპორტივოსა” და “ვალენსიას” შორის გამართული შეხვედრის 89-ე წუთზე ლა კორუნიელთა ფეხბურთელმა, მიროსლავ ჯუკიჩმა თერთმეტმეტრიანი ვერ გამოიყენა. თამაში 0-0 დასრულდა, პარალელურ მატჩში “ბარსამ” “სევილია” 5-2 გაანადგურა და ძალიან დაძაბულ ბრძოლაში ჩემპიონი გახდა.

1997 წელი

თასების მფლობელთა თასის ფინალში “ბარსელონამ” “პარი სენ-ჟერმენი” 1-0 დაამარცხა და ტურნირი მეოთხედ მოიგო. ერთადერთი გოლი რონალდომ გაიტანა. ეს სარეკორდო მე-14 ევროპული ფინალი იყო და 10 ევროპული თასით “ბარსა” “რეალ მადრიდს” გაუთანაბრდა.

2005 წელი

“ლევანტესთან” 1-1 დასრულებული შეხვედრის შემდეგ “ბარსელონამ” 21-ე საუკუნეში ესპანეთის ჩემპიონატი პირველად მოიგო.

2016 წელი

“გრანადას” 3-0 დამარცხებით “ბარსელონამ” ბოლო 8 წლის განმავლობაში ესპანეთის ჩემპიონატი მეექვსედ მოიგო.