ერთი დღე “ბარსას” ისტორიაში – 11 მაისი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 11 მაისს მოხდა.

თამაშები

11 მაისს “ბარსელონას” 19-ჯერ უთამაშია. კატალონიელებმა 5 მატჩი მოიგეს, 9 ფრედ დაასრულეს და 5 წააგეს.

1975 წელი

“კამპ ნოუზე” გამართული “ელ კლასიკო” 0-0 დასრულდა.

1984 წელი

დაიბადა “ბარსელონას” ლეგენდარული ნახევარმცველი ანდრეს ინიესტა. 2001-2018 წლებში “ბლაუგრანას” მაისურით მან 679 თამაში ჩაატარა და 57 გოლი გაიტანა. კატალონიურ კლუბში ინიესტამ 9 ესპანეთის ჩემპიონატი, 7 ესპანეთის სუპერ თასი, 6 ესპანეთის თასი, 4 ჩემპიონთა ლიგა, 3 ევროპის სუპერ თასი და 3 მსოფლიოს საკლუბო ჩემპიონატი მოიგო.

1985 წელი

ესპანეთის ლიგის თასის 1/2 ფინალის პირველ მატჩში “ბარსელონამ” და “რეალ მადრიდმა” “კამპ ნოუზე” 2-2 ითამაშეს. მასპინძელთაგან გოლები მარკოს ალონსომ და კლოსმა გაიტანეს.

1986 წელი

ესპანეთის ლიგის თასის მე-2 ეტაპის პირველ მატჩში “ბარსელონამ” და “რეალ მადრიდმა” “კამპ ნოუზე” 2-2 ითამაშეს. მასპინძელთაგან გოლები არჩიბალდმა და კლოსმა გაიტანეს.

1989 წელი

დაიბადა “ბარსელონას” ყოფილი შემტევი ჯოვანი დოს სანტოსი. 2006-2008 წლებში მან “ბლაუგრანას” მაისურით 41 თამაში ჩაატარა და 8 გოლი გაიტანა.

2003 წელი

ევროლიგის ფინალში “ბენეტონის” 76-65 დამარცხებით “ბარსელონას” საკალათბურთო გუნდმა ეს ტურნირი ისტორიაში პირველად მოიგო

2011 წელი

“ლევანტესთან” 1-1 თამაშის წყალობით “ბარსელონა” ესპანეთის ჩემპიონი გახდა.

2013 წელი

მას შემდეგ, რაც “რეალ მადრიდმა” “ესპანიოლი” ვერ დაამარცხა, “ბარსელონა” ესპანეთის ჩემპიონი გახდა.

2025 წელი

“რეალ მადრიდთან” გამართული საშინაო მატჩის მე-14 წუთზე “ბარსელონა” 0-2 აგებდა, მაგრამ კატალონიელებმა პირველი ტაიმი 4-2 მოიგეს, შეხვედრა კი 4-3.