ერთი დღე “ბარსას” ისტორიაში – 16 აპრილი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 16 აპრილს მოხდა.

თამაშები

16 აპრილს “ბარსელონას” 18-ჯერ უთამაშია. კატალონიელებმა 8 მატჩი მოიგეს, 4 ფრედ დაასრულეს და 6 წააგეს.

1966 წელი

ესპანეთის თასის 1/16 ფინალის განმეორებით მატჩში “ბარსელონამ” სანტანდერის “რასინგი” 8-0 გაანადგურა. გოლები სალდუამ (2), ტორესმა, ფუსტემ, პერედამ, მონტესინოსმა, საბალიამ და რეშაკმა გაიტანეს.

1969 წელი

“ვალენსიასთან” შინ 1-1 დასრულებული შეხვედრა “ბარსელონასთვის” ლა ლიგაში მე-1000 თამაში გამოდგა.

1986 წელი

ჩემპიონთა თასის (ამჟამინდელი ჩემპიონთა ლიგა) 1/2 ფინალის პირველ მატჩში 0-3 წაგების შემდეგ “ბარსელონამ” “გიოტებორგს” “კამპ ნოუზე” გამართულ განმეორებით შეხვედრაში ასევე 3-0 სძლია, შემდეგ კი თერთმეტმეტრიანების სერიაშიც იმარჯვა და 25 წლიანი პაუზის შემდეგ ამ ტურნირის ფინალში გავიდა.

“გიოტებორგთან” სამივე გოლი პიჩი ალონსომ გაიტანა.

2011 წელი

მადრიდში გამართული “ელ კლასიკო” 1-1 დასრულდა. სტუმართაგან გოლი ლიონელ მესიმ გაიტანა.

2014 წელი

ესპანეთის თასის ფინალში “ბარსელონამ” “რეალ მადრიდთან” 1-2 წააგო. კატალონიელთაგან გოლი მარკ ბარტრამ გაიტანა.

2019 წელი

ჩემპიონთა ლიგის 1/4 ფინალის განმეორებით მატჩში “ბარსელონამ” “მანჩესტერ იუნაიტედი” 3-0 დაამარცხა. გოლები მესიმ (2) და კოუტინიომ გაიტანეს.

ეს მატჩი ტერ შტეგენისთვის ჩემპიონთა ლიგაზე “ბარსელონას” მაისურით მე-100 გამოდგა.