წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 5 აპრილს მოხდა.
თამაშები
5 აპრილს “ბარსელონას” 24-ჯერ უთამაშია. კატალონიელებმა 17 მატჩი მოიგეს, 2 ფრედ დაასრულეს და 5 წააგეს.
1925 წელი
ესპანეთის თასის საშინაო შეხვედრაში “ბარსელონამ” “სტადიუმ სარაგოსა” 8-0 გაანადგურა. გოლები არნაუმ (4), პიერამ (2) და სამიტიერმა (2) გაიტანეს.
1931 წელი
ლა ლიგის საშინაო შეხვედრაში “ბარსელონამ” “რეალ მადრიდი” 3-1 დაამარცხა. სამივე გოლი ხუან რამონმა გაიტანა. ეს მისთვის “ბარსელონაში” შესრულებული პირველი ჰეთ თრიქი გამოდგა.
1953 წელი
ლა ლიგის საშინაო შეხვედრაში “ბარსელონამ” “რეალ მადრიდი” 1-0 დაამარცხა. გოლი მორენომ გაიტანა.
1978 წელი
“ბარსელონა” “რეალ მადრიდთან” მადრიდში 0-4 განადგურდა.
1990 წელი
ვალენსიაში, “ლუის კაზანოვაზე” “ბარსელონასა” და “რეალ მადრიდს” შორის ესპანეთის თასის ფინალი გაიმართა. მე-2 ტაიმში გილერმო ამორისა და ხულიო სალინასის მიერ გატანილი გოლებით “ბარსამ” 2-0 მოიგო.
ამ თამაშამდე მცირე ხნით ადრე “რეალ მადრიდს” ზედიზედ მე-5 ლა ლიგა ჰქონდა მოგებული, რის გამოც “ბარსელონას” გულშემატკივრები ძალიან გაბრაზებულები იყვნენ. ფინალში იოჰან კრუიფმა 3-4-3 სისტემით ითამაშა, რამაც მასაც შეუნარჩუნა თანამდებობა და პრეზიდენტ ნუნიესსაც.
შეხვედრის პირველივე ტაიმში უგო სანჩესის უხეშობას ალოიზიოს ტრავმა და იძულებითი შეცვლა მოჰყვა, 45-ე წუთზე კი ფერნანდო იერომ წითელი ბარათი მიიღო.
თამაში რამდენჯერმე შეჩერდა, რისი მიზეზიც “ბარსელონას” გულშემატკივრების მხრიდან “რეალ მადრიდის” მეკარე პაკო ბუიოს მისამართით ნასროლი ნივთები იყო.
როდესაც “ბარსელონა” გამარჯვებას ზეიმობდა, ტრიბუნებიდან ბოთლი “რეალ მადრიდის” გულშემატკივრებმაც ისროლეს. შედეგად “ბარსას” მეკარე ანდონი სუბისარეტა დაშავდა და მან ზეიმის გაგრძელება ვერ შეძლო.
თამაშის შემდეგ “რეალ მადრიდის” კაპიტანმა, ჩენდომ განაცხადა: “ყველაზე მეტად მტკივნეული ისაა, რომ სამეფო თასი არაესპანურმა გუნდმა მოიგო.”
2003 წელი
“ვილიარეალთან” სტუმრად 0-2 წაგება კარლეს პუიოლისთვის ლა ლიგაში ჩატარებული მე-100 თამაში გამოდგა.
2004 წელი
65 წლის ასაკში გარდაიცვალა “ბარსელონას” ყოფილი თავდამსხმელი ფერნან გოივარტსი.
2006 წელი
ჩემპიონთა ლიგის 1/4 ფინალის განმეორებით მატჩში “ბარსელონამ” “ბენფიკა” 2-0 დაამარცხა და მომდევნო ეტაპზე გავიდა. მე-5 წუთზე რონალდინიომ თერთმეტმეტრიანი ვერ გამოიყენა, მაგრამ მე-19 წუთზე ანგარიში მაინც მან გახსნა, 89-ე წუთზე კი თავი სამუელ ეტო’ომაც გამოიჩინა. პირველი თამაში უგოლოდ იყო დასრულებული.
2014 წელი
New Espai Barca-ს პროექტმა კლუბის 27 161 წევრის (72.36%) მხარდაჭერა მიიღო, რაც პროექტის დასამტკიცებლად საკმარისი გამოდგა.
2021 წელი
“ვალიადოლიდთან” 1-0 მოგებულ შეხვედრაში ჟორდი ალბამ “ბარსელონას” მაისურით ლა ლიგაში 250-ე თამაში ჩაატარა.
ეს სერია ნიუსებისა თავიდან იწყება თუ ვაგრძელებთ.
იდიოტმა ჩენდომ თქვა ხმამაღლა ის, რასაც ესპანელების უმეტესობა ფიქრობს.
ხო ესპანურები მადრიდი სევილია და ასე შემდეგ თვლიან არაესპანელებს კი კატალონიას და ბასკებს ეძახიან.
თამაშის შემდეგ "რეალ მადრიდის" კაპიტანმა, ჩენდომ განაცხადა: "ყველაზე მეტად მტკივნეული ისაა, რომ სამეფო თასი არაესპანურმა გუნდმა მოიგო."
იმედია ცოცხალია ის ვიღაც ჩენდო და ალბათ იმასაც ხედავს რო "სამეფო თასი" ყველაზე მეტჯერ სწორედ ბარსას და ბილბაოს აქვთ მოგებული.
არაესპანურიო…
ფაშისტი ჩენდო…
მიგელ ფორლანი ერქვა არა?
თამაშის შემდეგ "რეალის" კაპიტანმა, ჩენდომ განაცხადა: "ყველაზე მეტად მტკივნეული ისაა, რომ სამეფო თასი არაესპანურმა გუნდმა მოიგო."
მერე რას ეთამაშებოდით არაესპანურ გუნდს, გეხვეწებათ ვინმე? რო მოეგოთ ხო იტყოდა, ყველაზე სასიხარულო ის არის რო სამეფო თასი არაესპანურ გუნდს მოვუგეთო.
კარგია რომ ახლა სტადიონზე ნივთების სროლა და ეგეთები შეძლებისდაგვარად აღკვეთილია.