წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 23 მარტს მოხდა.
თამაშები
23 მარტს “ბარსელონას” 14-ჯერ უთამაშია. კატალონიელებმა 10 მატჩი მოიგეს, 1 ფრედ დაასრულეს და 3 წააგეს.
1902 წელი
მაკაიას თასის ფინალში “ბარსელონამ” “კატალა” 15-0 გაანადგურა და ისტორიაში პირველ ტიტულს დაეუფლა.
ტურნირზე ჩატარებული 8 თამაშიდან “ბარსამ” ყველა მოიგო, გაიტანა 60 და გაუშვა მხოლოდ 2 გოლი. საუკეთესო ბომბარდირები გამპერი (19) და სტეინბერგი (17) გახდნენ.
1929 წელი
ტომას როსესი “ბარსელონას” რიგით მე-17 პრეზიდენტი გახდა. მისი პრეზიდენტობის დროს გუნდმა კატალონიის ჩემპიონატი და ლა ლიგის პირველი გათამაშება მოიგო. თუმცა მომდევნო პრეზიდენტს, ჟოზეპ სუნიოლს მან დირექტორთა საბჭოს წინააღმდეგ ამხედრებული ფეხბურთელები დაახვედრა.
2003 წელი
“რასინგთან” ანგარიშით 6-1 მოგებულ შეხვედრაში პატრიკ კლუივერტმა ლა ლიგაში 150-ე თამაში ჩაატარა და თავი დუბლითაც გამოიჩინა. სტუმართა კარში დანარჩენი გოლები მარკ ოვერმარსმა (2), გაისკა მენდიეტამ და ხუან რომან რიკელმემ გაიტანეს.
2014 წელი
“სანტიაგო ბერნაბეუზე” ანგარიშით 4-3 მოგებულ შეხვედრაში ჰეთ თრიქის შესრულების წყალობით ლეო მესი “ელ კლასიკოს” ისტორიაში საუკეთესო ბომბარდირი გახდა.
მაკაიას თასის ფინალში "ბარსელონამ" "კატალა" 15-0 გაანადგურა და ისტორიაში პირველ ტიტულს დაეუფლა.
აი ესე უნდა მოიგო ტიტული.
წლევანდელი კლასიკოც უნდა მოვიგოთ
აბა წელსაც გვინდა მსგავსი კლსიკო და მესის ჰეთთრიკი❤️
ფილარმონიაში ვუყურე იმ თამაშს (3:4) და ვის და ვის ვეხუტებოდი ყოველი გოლის მერე არც კი ვიციი. იმხელა ადრენალინი იყო, რომ ვერც ავღწერ.
მახსოვს ის 4-3❤❤ისე რეალს ბერნაბეუზე უფრო კარგად ვეთამაშებით ვიდრე კამპ ნოუზე
მომავალ ელ კლასიკოშიც უნდა ვძლიოთ 💙❤💙❤💙