ერთი დღე “ბარსას” ისტორიაში – 7 მარტი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 7 მარტს მოხდა.

თამაშები

7 მარტს “ბარსელონას” 20-ჯერ უთამაშია. კატალონიელებმა 14 მატჩი მოიგეს, 4 ფრედ დაასრულეს და 2 წააგეს.

1979 წელი

თასების მფლობელთა თასის 1/4 ფინალის პირველ მატჩში “ბარსელონა” ბობი რობსონის “იფსვიჩთან” ანგარიშით 1-2 დამარცხდა. ეს არის ბოლო შეხვედრა, რომელშიც “ბარსელონამ” თეთრი ფორმებით ითამაშა.

1992 წელი

სეზონის პირველი “ელ კლასიკოს” მსგავსად “ბარსელონამ” და “რეალ მადრიდმა” “კამპ ნოუზეც” 1-1 ითამაშეს. კატალონიელთა მხრიდან ერთადერთი გოლი ისევ რონალდ კუმანმა გაიტანა.

1995 წელი

დაიბადა “ბარსელონას” ბრაზილიელი ხელბურთელი ჰანიელ ლანგარო.

1998 წელი

“ბარსელონას” პრეზიდენტის, ნუნიესის იმპიჩმენტის საკითხის ჩავარდნიდან რამდენიმე საათში გუნდმა “რეალ მადრიდი” 3-0 გაანადგურა. გოლები სონი ანდერსონმა, ფიგუმ და ჯოვანიმ გაიტანეს.

1998 წელი

83 წლის ასაკში გარდაიცვალა “ბარსელონას” ყოფილი ფეხბურთელი (1934-37, 1940-48) ჟოზეპ ესკოლა.

1999 წელი

დაიბადა რონალდ არაუხო.

2001 წელი

ლეო მესიმ “ბარსელონაში” პირველი ოფიციალური თამაში ჩაატარა და “ამპოსტასთან” მატჩში გამარჯვების გოლი გაიტანა.

2004 წელი

“მალიორკასთან” გამართულ შეხვედრაში (3-2) ჩავიმ ლა ლიგაში 150-ე თამაში ჩაატარა, ხოლო ლუის ენრიკემ ამ ტურნირზე “ბარსას” მაისურით – მე-200 თამაში.

2012 წელი

“ლევერკუზენთან” ანგარიშით 7-1 მოგებულ შეხვედრაში ლეო მესი ჩემპიონთა ლიგის ისტორიაში პირველი ფეხბურთელი გახდა, რომელმაც ერთ მატჩში 5 გოლი გაიტანა.

იმ შეხვედრაში დანი ალვესმა ჩემპიონთა ლიგაზე 50-ე თამაში ჩაატარა, ხოლო კრისტიან ტელიომ ამ ტურნირზე სადებიუტო შეხვედრაში დუბლი გაიფორმა.

2021 წელი

ჟოან ლაპორტამ “ბარსელონას” საპრეზიდენტო არჩევნები მოიგო.