რივალდო: პსჟ-სთან მარცხმა დაგვანახა, რომ “ბარსა” საკმარისად ძლიერი არაა

“ნათელია, რომ “ბარსას” პსჟ-სთან მძიმე დღე ჰქონდა. თუმცა, ამან ასევე დაგვანახა, რომ ამჟამად გუნდი ჩემპიონთა ლიგაზე საბრძოლველად საკმარისად ძლიერი არაა.”

“ბევრი კამათობს, რომ რონალდ კუმანს ჟერარ პიკე ამდენხნიანი პაუზის შემდეგ, ძირითად შემადგენლობაში არ უნდა დაეყენებინა, მაგრამ მე ამაში მთავარ მწვრთნელს ვერ დავადანაშაულებ. “ბარსელონას” პიკეს ჩასანაცვლებლად კარგი ფეხბურთელები არ ჰყავს, ამიტომ კუმანმა ლოდინის ნაცვლად, მისი სასწრაფოდ გამოყენება გადაწყვიტა.”

“ეს სწორედ იმაზე მიუთითებს, რომ “ბარსელონას” წამყვანი ფეხბურთელების არყოფნის დროს, მათ შესაცვლელად ღრმა შემადგენლობა არ ჰყავს. პსჟ-ს შემთხვევაში კი საპირისპირო მოვლენას ჰქონდა ადგილი. ნეიმარისა და დი მარიას ტრავმების მიუხედავად, მათ მაინც მძლავრი თერთმეტეული გამოიყვანეს მინდორზე.”