რონალდ კუმანი პსჟ-სთან მატჩის წინ

“ჩემპიონთა ლიგის მატჩებს ძალიან ამაღელვებელი განწყობით ვხვდებით. პსჟ-ს საკმაოდ ძლიერი გუნდი ჰყავს და საინტერესო ორმატჩიანი დუელი უნდა გამოდგეს.”

“პიკე კარგადაა. ის ჯგუფურად უკვე 4-5 დღეა ვარჯიშობს. მე კიდევ ერთი დღე მაქვს საბოლოო გადაწყვეტილების მისაღებად, მას უქმობა დიდი ხნით მოუწია. ჩვენ ვისაუბრებთ და ყველაფერს ხვალ გადავწყვეტთ.”

“უმტიტი და ლანგლე მზად არიან. ჩვენ მათი გამოყენება შეგვიძლია, შეცდომების მიუხედავად, რაც ფეხბურთის ნაწილია, კარგი შეხვედრებიც ჩაატარეს. ჩემს ბიჭებში ეჭვი არ მეპარება, მათ იციან, თუ როგორ უნდა დაიცვან თავი პსჟ-ს მსგავსი გუნდების წინააღმდეგ.”

“რაც შეეხება, ნეიმარისა და დი მარიას დანაკლისს, ყველა გუნდში არის ტრავმიანობა. ნეიმარის, მესისა და კრიშტიანუ რონალდუსნაირი ფეხბურთელები აუცილებლად უნდა დავიცვათ. ისინი თავიანთი თამაშით სიამოვნებას ყოველთვის გვანიჭებენ. მსაჯებმა ისინი უნდა დაიცვან , მაგრამ, დიახ, ფეხბურთი კონტაქტური სპორტია.”

“არაუხოს არ უვარჯიშია და ხვალინდელი მატჩისთვის მზად არ იქნება.”

“ნებისმიერი გუნდისთვის მნიშვნელოვანია ის, რომ ყველა ფეხბურთელი ჯანმრთელი ჰყავდეს. ისევე როგორც ჩვენთვის, ანსუ ფატის, კოუტინიოს, სერჟი რობერტოსა და არაუხოს მზადყოფნა კარგი იქნებოდა. დატვირთული კალენდარი ფეხბურთელებს ხშირად აზიანებს.”

“მე არაფერი მაშინებს, რადგან ჩემი გუნდის მჯერა და ასევე ვაფასებ მოწინააღმდეგეს. შევეცდებით, რომ თამაშის მიმდინარეობა ჩვენ გავაკონტროლოთ. ყოველ გუნდს აქვს თავისი ძლიერი და სუსტი მხარე. ჩვენ უპირატესობის მოპოვება სწორედ მათი სუსტი მხარეების გამოყენებით უნდა შევძლოთ.”

“დემბელეს შეცვლა? მისი ცვლილების მთავარი მიზეზი ის უზარმაზარი სამუშაო, რომელსაც ყოველ თამაშში ასრულებს. უსმანმა და გუნდის კიდევ რამდენიმე ფეხბურთელმა ფიზიკური კონდიციების მხრივ მდგომარეობა აშკარად გაიუმჯობესეს. მნიშვნელოვნია, როგორც ფიზიკური, ისე მენტალური სიძლიერე, რადგან აქ ძალიან დიდი წნეხის ქვეშ ექცევი.”

“ისეთი სიტუაციაა, თითქოს ყოველ მესამე დღეს გამოცდა გვაქვს. რეალურად, ჩვენ სწორ გზას ვადგავართ. დროთა განმავლობაში ზოგჯერ ვაგებთ, თუმცა უსამართლოდ. ყოველ მარცხში ჩვენ საკუთარი შანსები გვქონდა.”

“გასვლით შეხვედრაში გატანილი გოლი მნიშვნელოვანია, მათ მოედანზე დომინირებაც ძალიან ხიბლავთ. კარის მშრალად შენახვა ჩვენთვის ძალზე მნიშვნელოვანი იქნება.”

“ამ ეტაპზე ვერ ვხედავ გუნდს, რომელიც “ბარსელონას” აღემატება. თუმცა, არ არის კარგი ჩემპიონთა ლიგის მოგებაზე ამხელა მოლოდინების ქონა, მაშინ როდესაც კლუბში ბოლო სეზონის განმავლობაში ბევრი რამ შეიცვალა. გუნდი მაღალ დონეზეა მომზადებული და ჩვენ ნებისმიერი მეტოქის დამარცხება შეგვიძლია.”

“ეს არ არის მესი-მბაპეს დუელი. მბაპე ძალიან სწრაფია და შესაძლოა, ჩვენი დაცვისთვის მძიმე დაბრკოლებაც აღმოჩნდეს. სანახაობრივი შეხვედრა უნდა იყოს.”

“არ ვიცი, მესიზე ბევრი საუბარი იყო თუ არა, მათი განზრახვა. მე გუნდსა და ფეხბურთელებს მნიშვნელოვანი მატჩისთვის ვამზადებ.”