ერთი დღე “ბარსას” ისტორიაში – 20 იანვარი

წარმოგიდგენთ რუბრიკას “ერთი დღე “ბარსელონას” ისტორიაში. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 20 იანვარს მოხდა.

თამაშები

20 იანვარს “ბარსელონამ” 20 ოფიციალური თამაში ჩაატარა, საიდანაც კატალონიელებმა 10 მოიგეს, 5 ფრედ დაასრულეს და 5 წააგეს.

1885 წელი

დაიბადა “ბარსელონას” ყოფილი ფეხბურთელი კარლეს უოლასი, რომელმაც 1907-11 და 1913-15 წლებში “ბარსელონაში” 25 თამაში ჩაატარა და 29 გოლი გაიტანა.

1901 წელი

კატალონიის ჩემპიონატის გახსნით მატჩში “ბარსამ” მომავალ ჩემპიონთან, “ისპანიასთან” სახლში 1-2 წააგო.

1974 წელი

“ბარსელონამ” ლა ლიგის გასვლით მატჩში “რასინგი” 3-1 დაამარცხა. 62-ე წუთზე უგო სოტილის მიერ გატანილი გოლი “ბარსასთვის” ლა ლიგაში 2500-ე გამოდგა.

1980 წელი

“ალმერიასთან” “კამპ ნოუზე” გამართულ შეხვედრაში “ბარსას” შემადგენლობაში რობერტო დინამიტეს დებიუტი შედგა. 2-0 მოგებულ მატჩში მან 2 გოლი გაიტანა, ამის შემდეგ კი “ბლაუგრანაში” თავი მხოლოდ ერთხელ გამოიჩინა.

1985 წელი

“ესპანიოლთან” სტუმრად უგოლოდ დასრულებული თამაში “ბარსელონასთვის” ლა ლიგაში მე-300 ფრე გამოდგა.

1987 წელი

დაიბადა “ბარსელონას” ყოფილი ფეხბურთელი ვიქტორ ვასკესი, რომელმაც 2008-2010 წლებში პირველ გუნდში 3 თამაში ჩაატარა და 1 გოლი გაიტანა.

1988 წელი

დაიბადა “ბარსელონას” ყოფილი ფეხბურთელი ხეფრენ სუარესი, რომელმაც 2008-2011 წლებში კლუბში 34 შეხვედრა ჩაატარა, 3 გოლი გაიტანა და 3 საგოლე გადაცემა გააკეთა.

1995 წელი

დაიბადა “ბარსელონას” ყოფილი ფეხბურთელი სერჟი სამპერი, რომელმაც 2014-2019 წლებში კატალონიელთა პირველ გუნდში 13 შეხვედრა ჩაატარა და 2 საგოლე გადაცემა გააკეთა.

1997 წელი

რონალდოს FIFA-ს ვერსიით 1996 წლის საუკეთესო ფეხბურთელის ჯილდო გადაეცა. მე-2 ადგილი ჟორჟ ვეამ დაიკავა, ხოლო მესამე ალენ შირერმა.

1999 წელი

დაიბადა “ბარსელონა ბ-ს” ფეხბურთელი ორიოლ ბუსკეტსი.

2019 წელი

“ლეგანესთან” 3-1 მოგებული შეხვედრა მარკ-ანდრე ტერ შტეგენისთვის ლა ლიგაში მე-100 თამაში გამოდგა.