ესპანური “ვილიარეალის” იტალიელმა ფორვარდმა ჯუზეპე როსიმ განაცხადა, რომ მას რომელიმე ევროპულ გრანდში თამაში სურს, იტყობინება Sport.es. ცნობისთვის ახალგაზრდა იტალიელის შეძენით კატალონიის “ბარსელონა” ინტერესდება:
” რა თქმა უნდა, მე რომელიმე გრანდში თამაში მსურს. თუ მსოფლიოს საუკეთესო კლუბებზე ვისაუბრებთ, ესენი არიან “ბარსელონა”, “მადრიდის რეალი” და ინგლისური “მანჩესტერ იუნაიტედი”. ამ საკითხში მე არაფრით განვსხვავდები სხვა ფეხბურთელებისგან,” დაასრულა ჯუზეპე როსიმ.
ცნობისთვის როსის “ვილიარეალის” შემადგენლობაში ჩატარებულ 127 მატჩში 51 გოლი აქვს გატანილი, ხოლო იტალიის ნაკრების ღირსება მან 23 მატჩში დაიცვა და 6 გოლი გაიტანა.
