გრანადა-ბარსელონა: მატჩისწინა მიმოხილვა

დღეს, ლა ლიგის მე-18 ტურის შეხვედრაში, “ბარსელონა” “გრანადას” დაუპირისპირდება.

რთულია, იმის თქმა, რომ “ბარსელონა” პროგრესირებს ან, პირიქით, უკან მიდის. არასტაბილური ასპარეზობა კონკრეტული პროგნოზების გაკეთების საშუალებას არ იძლევა. თუ “ბილბაოსთან” მოგებულმა თამაშმა პოზიტიური განწყობა შეგვიქმნა და ლა ლიგის მოგების იმედიც გაჩნდა, დღეს, შეიძლება, ისევ, უშედეგო პასები და უხეში შეცდომით დაკარგული ქულები ვიხილოთ. ასე რომ, ისღა დაგვრჩენია, თამაშს დაველოდოთ. 

მეტოქე

ლა ლიგაში, “გრანადა” ბოლო ორი სეზონის მთავარი აღმოჩენაა. პრიმერა დივიზიონში დაწინაურების პირველივე წელს გუნდმა ევროპა ლიგის საგზური მოიპოვა, საკვალიფიკაციო ეტაპის დაძლევასთან (შეგვიძლია, თბილისის “ლოკომოტივთან” შეხვედრა გავიხსენოთ) ერთად, ჯგუფური ეტაპიც გაიარა და ახლა, 1/16 ფინალში “ნაპოლისთან” დაპირისპირება ელის.

ანდალუსიური კლუბი ლა ლიგაში პირველივე ტურიდან კარგად გამოიყურება. 16 შეხვედრაში დაგროვებული 24 ქულით მე-7 პოზიციას იკავებს.

“ბარსასთან” მატჩამდე, “გრანადას” რთული კალენდრის გამოვლამ მოუწია. დეკემბრის ბოლოს, “ნუევო ლოს კარმენესზე”, რომელიც ხვალინდელ შეხვედრას უმასპინძლებს, გუნდმა “ბეტისისა” (2-0) და “ვალენსიას” (2-1) დამარცხება შეძლო, სტუმრად კი “რეალთან” (0-2) და “ეიბართან” (0-2) დამარცხდა.

მწვრთნელები მატჩის წინ

რონალდ კუმანი:

დიეგო მარტინესი:

განაცხადი

“ბარსელონას”, ტრავმის გამო, ვერ დაეხმარებიან ჟერარ პიკე, სერჟი რობერტო, ანსუ ფატი და ფილიპე კოუტინიო. ასევე, დისკვალიფიცირებულია კლემან ლანგლე. რაც შეეხება კარლეს ალენიას, იგი, იჯარის წესით, “ხეტაფეს”, რამდენიმე დღის წინ, შეუერთდა.

• “ბარსელონას” განაცხადი სრულად 

არბიტრი

ხვალინდელ შეხვედრას რიკარდო დე ბურგოს ბენგოეჩეა გაუძღვება. იგი ლა ლიგის მატჩებს 2015 წლიდან სჯის.

ბენგოეჩეას “ბარსას” 18 შეხვედრაში (14 ლა ლიგა, 3 კოპა დელ რეი, 1 ესპანეთის სუპერ თასი) უმსაჯია. აქედან, გუნდმა 14 მოიგო, 1 ფრედ ითამაშა, 3 კი – წააგო. მან “ბარსელონას” ფეხბურთელებს 40 ყვითელი ბარათი უჩვენა. ბენგოეჩეას “ბარსას” ფეხბურთელი არასდროს გაუძევებია.

მან “გრანადას” მონაწილეობით 5 მატჩში იმსაჯა (2 მოგება, 2 ფრე, 1 მარცხი).

ურთიერთშეხვედრები

35-წლიანი პაუზის შემდეგ, “გრანადა” ლა ლიგას 2011 წელს დაუბრუნდა. მას შემდეგ, “ბარსამ” 14 მატჩი გაიმართა, საიდანაც კატალონიელებმა 12-ის მოგება შეძლეს, 2 კი – დათმეს. ბურთების შეფარდება 36-9.

“ბარსამ” ორივე მარცხი “ნუევო ლოს კარმენესზე” განიცადა. 2014 წლის აპრილში, ანგარიშით 1-0, წაგებული თამაში განსაკუთრებით მძიმეა. მაშინ, ტატა მარტინოს გუნდი ლა ლიგის ტიტულისთვის ბრძოლის გადამწყვეტ ფაზაში იმყოფებოდა, ამ მატჩის შემდეგ კი ლიდერი “ატლეტიკო” წინ 4 ქულით გაიჭრა და პირველი პოზიცია აღარ დაუკარგავს. ამასთან, “გრანადასთან” თამაშამდე, “ბარსამ” ჩემპიონთა ლიგის 1/4 ფინალის განმეორებითი მატჩი, იმავე “ატლეტიკოსთან”, დათმო და გათამაშებას გამოეთიშა, “გრანადასთან” თამაშის შემდეგ კი კოპა დელ რეის ფინალი, ამჯერად, “რეალთან” წააგო.

საინტერესო სტატისტიკა

• “ბარსელონას” 7-მატჩიანი წაუგებელი სერია აქვს, რაც რონალდ კუმანის ხელმძღვანელობით, საუკეთესო შედეგია.
• “გრანადასთან” ბოლოს გამართული მატჩი “ბარსამ” 1-0 მოიგო. ამ თამაშში, მთავარი მწვრთნელის რანგში, კიკე სეტიენის დებიუტი შედგა.
• ლეო მესის “გრანადას” კარი 12-ჯერ აქვს აღებული.
• 2016 წელს, ლა ლიგის უკანასკნელ ტურში, “ნუევო ლოს კარმენესზე” ლუის სუარესმა ჰეთ-თრიქი შეასრულა და “ბარსელონამ” ესპანეთის ჩემპიონის ტიტული შეინარჩუნა.
• “გრანადა” ევროტურნირებზე სადებიუტო სეზონს ატარებს.
• მიმდინარე სეზონში “გრანადას” კოლუმბიელმა თავდამსხმელმა, ლუის სუარესმა, 5 გოლი გაიტანა – იმდენი, რამდენიც “ბარსელონას” 9-იანმა, მარტინ ბრეითუეიტმა.

სავარაუდო შემადგენლობები

WhoScored: 4-3-3

ტერ შტეგენი – დესტი, არაუხო, მინგესა, ალბა – პედრი, პიანიჩი, დე იონგი – მესი, გრიზმანი, ბრეითუეიტი.

SofaScore: 4-3-3

ტერ შტეგენი – დესტი, არაუხო, მინგესა, ალბა – პედრი, ბუსკეტსი, დე იონგი – მესი, გრიზმანი, დემბელე.

ტრანსლაცია

მატჩი, თბილისის დროით 21:30 საათზე დაიწყება, ტრანსლაციას Silk უნივერსალი და silksport.ge შემოგვთავაზებს.